ឆ្លងកាត់រកស៊ីជិត ៣០ឆ្នាំ មានទ្រឹស្ដីមួយ ដើម្បីឲ្យអាជីវកម្មជោគជ័យ
- 2018-06-05 03:23:41
- ចំនួនមតិ 0 | ចំនួនចែករំលែក 0
ឆ្លងកាត់រកស៊ីជិត ៣០ឆ្នាំ មានទ្រឹស្ដីមួយ ដើម្បីឲ្យអាជីវកម្មជោគជ័យ
ចន្លោះមិនឃើញ
"ក្នុងការធ្វើអាជីវកម្ម ត្រូវធ្វើម៉េចឱ្យអតិថិជនរត់មករកយើង"។ នេះជាពាក្យរបស់ លោក ហេង ថូង អាយុ៦២ឆ្នាំ ជាម្ចាស់ឡនំប៉័ង ៣៣៣ នៅសង្កាត់កំពង់កណ្ដាល ក្រុងកំពត ខេត្តកំពត ដែលបានចាប់ផ្ដើមរបរនេះដំបូងនៅឆ្នាំ ១៩៨៩។
ឆ្លងកាត់បទពិសោធន៍ជិត ៣០ឆ្នាំនេះ លោក ហេង ថូង បាននិយាយថា ដើម្បីឲ្យអតិថិជនរត់មករកយើងបានលុះត្រាផលិតផលរបស់យើងមានគុណភាពល្អ សេវាកម្មល្អ ផងដែរ។
លោក ហេង ថូង លោកផលិតនំប៉័ង ដោយប្រើឡបុរាណ ដុតអុសសង់ឡើងពីឥដ្ឋ បច្ចុប្បន្នលោក ផលិតនំប៉័ងពី៣ទៅ៤ពាន់នំក្នុងមួយថ្ងៃ ។ នំប៉័ងរបស់លោកហេង ថូង មិនមានលក់នៅតាមទីផ្សារ ឬកន្លែងផ្សេងៗនោះទេ។ លោកលក់តែនៅផ្ទះរបស់លោកតែប៉ុណ្ណោះ។ អតិថិជនឡនំប៉័ង៣៣៣របស់លោកភាគច្រើន គឺជាភោជនីយដ្ឋាន និងហាងនានានៅក្នុងក្រុងកំពត៕
សូមចុចអាន៖ រូបថត ៥សន្លឹក បង្ហាញពីដំណើរការផលិតនំប៉័ង ដ៏ល្បីមួយកន្លែង នៅខេត្តកំពត