ស្នេហាឈិនឡុង មានចំពោះ Wang Leehom ធំធេងដល់ថ្នាក់ឲ្យតែជួបចាប់បឺតមាត់ហ្មង
- 2018-06-05 08:43:28
- ចំនួនមតិ 0 | ចំនួនចែករំលែក 0
ស្នេហាឈិនឡុង មានចំពោះ Wang Leehom ធំធេងដល់ថ្នាក់ឲ្យតែជួបចាប់បឺតមាត់ហ្មង
ចន្លោះមិនឃើញ
បើទោះបីនេះជាទម្លាប់របស់មិត្តល្អ ២នាក់គឺ Wang Leehom និង Jackie Chan ស្វាគមន៍ពេលជួបគ្នាម្ដងៗក៏ពិតមែន ប៉ុន្តែវាបានធ្វើឲ្យគ្រប់គ្នាដែលឃើញចំហមាត់គ្រប់គ្នា។
ជាឧទាហរណ៍ជាក់ស្ដែង កាលពីថ្ងៃទី ០២ ខែមិថុនាកន្លងទៅ Jackie Chan (ឈិន ឡុង) បានទៅចូលរួមការប្រគំតន្ត្រីរបស់មិត្តល្អ Wang Leehom ក្នុងទីក្រុងសៀងហៃ ដោយបានថើបស្វាគមន៍យ៉ាងស្និទ្ធស្នាល។
ដោយសារថតរឿងនៅជិតទីតាំងប្រគំតន្ត្រី ហេតុនេះទើបពេលសម្រាកញ៉ាំអាហារពេលល្ងាច ឈិនឡុងបានមកចូលរួមការប្រគំតន្ត្រីរបស់ Wang Leehom ដោយមានត្រៀមបាច់ផ្កាអបអរ ២បាច់មកជាមួយផង។ វត្តមានមិនបានគ្រោងទុករបស់មិត្តល្អនាពេលនេះ បានធ្វើឲ្យ Leehom ស្រែកជាខ្លាំងថា៖ "អ្នកបំភ័យខ្ញុំឲ្យស្លាប់ហើយ!”។ ក្រោយមកពួកគេក៏បានថើបមាត់គ្នា បង្ហាញពីទឹកចិត្តស្រឡាញ់ រហូតអ្នកទស្សនាផ្ទាល់ហ៊ោគិល។
តបនឹងសម្រែកភ្ញាក់ផ្អើលរបស់ Leehom ឈិនឡុងក៏បាននិយាយថា៖ "អ្នកគឺជាមនុស្សជាទីស្រឡាញ់របស់ខ្ញុំ អីចឹងហើយខ្ញុំត្រូវតែមក។ អ្នកគាំទ្រស្រឡាញ់គាត់ ហើយខ្ញុំក៏ស្រឡាញ់គាត់ដែរ”។
ពិតណាស់ ទំនាក់ទំនងជិតស្និទ្ធរបស់តារាប្រុសទាំង ២កើតឡើងតាំងពីបានសម្ដែងរួមគ្នាក្នុងរឿង "Little Big Soldier” នៅឆ្នាំ ២០១០មកម្ល៉េះ ហើយក្រោយមកពួកគេតែងជួយគ្នា និងគាំទ្រគ្រប់កាលៈទេសៈទាំងអស់។ ពិសេសឲ្យតែបានជួបគ្នាអ្នកទាំង ២តែងថើបមាត់គ្នាជាទម្លាប់មិនអាចចោលបាន៕