អតីតបវរកញ្ញាហុងកុងប្រើមកុដជាថ្នូរខ្ចីលុយ ឥឡូវត្រូវគេប្ដឹងព្រោះជំពាក់លុយជិត៥សែនដុល្លារ
- 2018-06-06 03:10:00
- ចំនួនមតិ 0 | ចំនួនចែករំលែក 0
អតីតបវរកញ្ញាហុងកុងប្រើមកុដជាថ្នូរខ្ចីលុយ ឥឡូវត្រូវគេប្ដឹងព្រោះជំពាក់លុយជិត៥សែនដុល្លារ
ចន្លោះមិនឃើញ
អតីតបវរកញ្ញាហុងកុងឆ្នាំ ១៩៩៥ អ្នកនាង Winne Yeung ជាមួយនឹងស្វាមីរបស់នាង លោក Wong Shuai-fun ទទួលរងពាក្យបណ្ដឹងរឿងជំពាក់ប្រាក់ជាង ២,៤ លានដុល្លារហុងកុង (៣០៦ ០០០ដុល្លារអាមេរិក) ពីក្រុមហ៊ុនកម្ចីឥណទាន Trinity Aim Capital Limited កាលពី៣ឆ្នាំមុន។
ក្រោយមកគូស្នេហ៍មួយគូនេះ ត្រូវការប្រាក់ក្នុងការដំណើរការមុខជំនួញរបស់ពួកគេ ក៏បានដាក់មកុដ និងទ្រព្យសម្បត្តិរបស់ពួកគេមួយចំនួនទៀតជាគ្រឿងសម្រាប់ខ្ចីលុយក្នុងសហរដ្ឋអាមេរិក។
ឥឡូវនេះ ក្រុមហ៊ុនចងការប្រាក់មួយកន្លែងប្រចាំតំបន់ Wan Chai ក្នុងទីក្រុងហុងកុង បានដាក់ពាក្យបណ្ដឹងចំពោះគូស្វាមីភរិយាមួយគូនេះដោយបង្ខំពួកគេឲ្យដាក់មកុដបវរកញ្ញានោះទុកជាចំណែកមួយនៃការសងថ្លៃជំពាក់ ដែលពួកគេបានជំពាក់កើនឡើងរហូតដល់ ៣,៧៦ លានដុល្លារហុងកុង (៤៧៩ ០០០ដុល្លារអាមេរិក) បូករួមទាំងការប្រាក់។
បើតាមលិខិតរបស់តុលាការដែលបានចេញកាលពីថ្ងៃសុក្រមុនសប្ដាហ៍មុន ម្ចាស់បំណុលក៏បានរឹបអូសរបស់របរមួយចំនួនពីផ្ទះរបស់ពួកគេក្នុងក្រុង San Francisco រដ្ឋ California ផងដែរ។
តាមមេធាវីដើមបណ្ដឹងបានបញ្ជាក់ថា ប្ដីប្រពន្ធមួយគូនេះ ដំបូងឡើយបានសុំខ្ចីប្រាក់ចំនួន ២ លានដុល្លារហុងកុង (២៥៥ ០០០ដុល្លារអាមេរិក) តាមរយៈក្រុមហ៊ុនរបស់ពួកគេក្នុងខែធ្នូ ឆ្នាំ ២០១៤។ ដោយគ្មានលទ្ធភាពក្នុងការសងប្រាក់ ពួកគេចេះតែរកលេសពន្យារពេលសង។
បន្ទាប់មក លុយបានកើនឡើងដល់ ៤០០ ០០០ ដុល្លារហុងកុង (៥១ ០០០ដុល្លារអាមេរិក) ត្រូវបានស្នើសុំឲ្យសង ក្នុងខែវិច្ឆិកា ឆ្នាំ២០១៥។ ពួកគេនៅតែមិនព្រមសង រហូតដល់ក្រុមហ៊ុនព្រមានចាត់វិធានការតាមផ្លូវច្បាប់។
បើតាមសារព័ត៌មាន South China Mornig Post បានឲ្យដឹងថា មកុដដែលអតីតបវរកញ្ញារូបនេះទទួលបាននោះ គឺមានតម្លៃ ៣,៥លានដុល្លារហុងកុង (៤៤៦ ០០០ដុល្លារអាមេរិក)។ បើទោះបីជាលក់មកុដមួយនេះ ក៏មិនអាចបង់ថ្លៃបំណុលរបស់នាងគ្រប់ដែរ៕