សាហាវបំផុត! ហ៊ានសម្រក់ទៀនលើភ្នែក និងគ្រវីដាវមុតដាក់ Judge ភ្លាត់តែបន្តិចដឹងតែចប់
- 2018-06-06 04:21:28
- ចំនួនមតិ 0 | ចំនួនចែករំលែក 0
សាហាវបំផុត! ហ៊ានសម្រក់ទៀនលើភ្នែក និងគ្រវីដាវមុតដាក់ Judge ភ្លាត់តែបន្តិចដឹងតែចប់
ចន្លោះមិនឃើញ
បេក្ខជន America's Got Talent ឆ្នាំ ២០១៨ ចេះតែបន្តបង្ហាញខ្លួនជាបន្តបន្ទាប់លើឆាកសម្ដែងសមត្ថភាពពិសេសលំដាប់ថ្នាក់ពិភពលោក។
ឈានដល់សប្ដាហ៍នេះ ជាសប្ដាហ៍ទិី ២ហើយនៃ វគ្គ Audition របស់កម្មវិធី America's Got Talent ឆ្នាំ ២០១៨។ វិញ្ញាសាប្លែកៗត្រូវបានលើកយកមកសម្ដែងជាហូរហែទាក់អារម្មណ៍ទស្សនិកជនដែលទស្សនាផ្ទាល់ និងកន្លែងផ្សេងទៀត ពិសេសគណៈកម្មការទាំង ៤។ ជាក់ស្ដែងក្នុងចំណោមបេក្ខជនទាំងអស់នោះ Aaron Crow ជាបេក្ខជនដែលជ្រើសយកការសម្ដែងសៀក មកបង្ហាញ។
ចេញមកភា្លម បេក្ខជនរូបនេះមិននិយាយស្ដីអ្វីទាំងអស់ ហើយក៏មិនខ្ចីឆ្លើយនឹងសំណួររបស់គណៈកម្មការដែរ តែដល់ពេលសម្ដែងគ្រប់គ្នាសឹងស្លុតស្មារតី។
Aaron បានចុះមកក្រោមដោយទឹកមុខម៉ឹងម៉ាត់ និងជ្រើសយកគណៈកម្មការ Howie Mandel មកសម្ដែងជាមួយ។ បន្ទាប់មកលោកបានយកផ្លែម្នាស់ទៅឲ្យ Howie ដាក់លើក្បាល។ មិនតែប៉ុណ្ណោះបេក្ខជនរូបនេះក៏សម្រក់ទៀនលើភ្នែក និងយកកំណាត់មកបាំងមុខបន្ថែម។
ដល់វគ្គរន្ធត់អ្នកលេងសៀកមិនខ្ចីនិយាយរូបនេះបានយកដាវគ្រវីគ្រវាត់ ជាហេតុធ្វើឲ្យគ្រប់គ្នាទាំងអស់ល្នុងស្ទូឌីយ៉ោផ្សាយភ័យព្រលឹងចុងសក់ រីឯគណៈកម្មការទាំង៣នាក់ផ្សេងទៀត ស្រែកសឹងភ្លាត់សំឡេង ព្រោះបារម្ភ Howie ដែលកំពុងឈរភ័យស្លន់លើឆាកទូលម្នាស់ដែល Aaron ត្រូវកាត់។ មួយវិញទៀត ប្រសិនអ្នកសម្ដែងភ្លាត់ស្នៀតតែបន្តិច ច្បាស់ជាវីរវរហើយ។
មិនបង្អង់យូរ បេក្ខជនក៏បានកាត់ម្នាស់នោះដាច់ ធ្វើឲ្យគ្រប់គ្នាហ៊ោគិល សរសើរនឹងសមត្ថភាពអស្ចារ្យរបស់លោក ដែលកម្រមានអ្នកអាចធ្វើបាននេះ៕
ទស្សនាវីដេអូខាងក្រោម៖