វិញ្ញាបនបត្រសម្គាល់ម្ចាស់អចលនវត្ថុគំរូថ្មីទើបដាក់ឲ្យប្រើ មានចំណុចពិសេសច្រើនជាងគំរូចាស់

2018-06-06 08:52:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងរៀបចំដែនដីបានដាក់ឲ្យប្រើប្រាស់សន្លឹកវិញ្ញាបនបត្រសម្គាល់ម្ចាស់អចលនវត្ថុប្រភេទថ្មីកាលពីថ្ងៃទី១ ខែមិថុនា ឆ្នាំ២០១៨កន្លងទៅនេះ។ សម្រាប់សន្លឹកវិញ្ញាបនបត្រទម្រង់ថ្មីនេះ មន្ត្រីជំនាញក្រសួងដែនដីអះអាងថាមានចំណុចពិសេសមួយចំនួនបន្ថែមលើសន្លឹកវិញ្ញាបនបត្រចាស់។

( ឯកឧត្តម ឡោ ដាវុធ អគ្គនាយកនៃអគ្គនាយកដ្ឋានសុរិយោដី និងភូមិសាស្រ្តបានពន្យល់ពីសន្លឹកបណ្ណថ្មី/រូបភាព៖ Screenshot ពីវីដេអូក្រសួងដែនដី)

នៅរសៀលនេះក្រសួងដែនដីបានបង្ហោះវីដេអូមូយនៅលើហ្វេសប៊ុកផេករបស់ខ្លួនដោយបានពន្យល់ពីលក្ខណៈពិសេសរបស់វិញ្ញាបនបត្រថ្មីនេះ។ ឯកឧត្តម ឡោ ដាវុធ អគ្គនាយកនៃអគ្គនាយកដ្ឋានសុរិយោដី និងភូមិសាស្រ្តបានពន្យល់ក្នុងវីឌីអូនេះថាកន្លងមកសន្លឹកវិញ្ញាបនបត្រចាស់ត្រូវបានបោះពុម្ពនៅប្រទេសអូស្រ្តាលី តែសម្រាប់សន្លឹថ្មីនេះគឺ បោះពុម្ពដោយក្រុមហ៊ុនក្នុងស្រុក។

ចំណុចពិសេសៗលើសន្លឹកវិញ្ញាបនបត្រចាស់មួយចំនួននៅរក្សាទុកដដែលដូចជាពេលយកសន្លឹកវិញ្ញាបនបត្រនេះដាក់ក្រោមពន្លឺនឹងអាចមើលឃើញរូបប្រាសាទអង្គរវត្ត។ ចំណុចមួយទៀតគឺថាបើសិនជាធ្វើការថតចម្លង នោះសន្លឹកបណ្ណដែលថតចម្លងនឹងមានចេញពាក្យថា «Copy» នៅលើសន្លឹកថតចម្លងនោះ។ ចំណុចពិសេសទីបីដែលនៅរក្សាដដែលនោះគឺ រូបព្រះសង្ហារនៅលើសន្លឹកបណ្ណនេះ ដែលអាចមើលឃើញនឹងភ្នែកនៅពេលសីតុណ្ហភាពចុះដល់ក្រោម២០អង្សាសេ។ នេះបើតាមការពន្យល់របស់ឯកឧត្តម ឡោ ដាវុធ តាមរយៈវីដេអូខាងលើ។

ឯកឧត្តមឲ្យដឹងទៀតថាសម្រាប់សន្លឹកវិញ្ញាបនបត្រទម្រង់ថ្មីមិនមានពាក្យថា «វិញ្ញាបនបត្រសម្គាល់ម្ចាស់អចលនវត្ថុ» តូចៗ និងព្រាលៗដូចមុនទៀតទេ តែមានដាក់រូបផែនទីប្រទេសកម្ពុជានៅកណ្តាលសន្លឹក និងសរសេរពាក្យ «វិញ្ញាបនបត្រសម្គាល់ម្ចាស់អចលនវត្ថុ»តូចៗដែលមិនអាចមើលឃើញនឹងភ្នែកទទេបាននោះទេ។

សម្រាប់សន្លឹកបណ្ណថ្មីនេះដែរក៏មានបន្ថែមលេខសម្គាល់បណ្ណមួយខ្ទង់ទៀតពោលគឺពីប្រាំពីរខ្ទង់ទៅប្រាំបីខ្ទង់ ដែលឯកឧត្តមថា ការបន្ថែមខ្ទង់នេះដើម្បីឲ្យសន្លឹកបណ្ណដែលគ្រោងនឹងប្រើមានចំនួនច្រើន និងមិនជាន់លេខគ្នា។

ចំណុចពិសេសមួយទៀតរបស់សន្លឹកវិញ្ញាបនបត្រថ្មីនេះគឺមានភ្ជាប់មកជាមួយ QR Code ដែលឯកឧត្តមថាអាចមើលព័ត៌មាននៅក្នុងគល់បញ្ជី និងក្នុងប្រព័ន្ធទិន្ន័យរបស់ក្រសួង ហើយដើម្បីអានទិន្ន័យនេះ បានទាល់តែមានកម្មវិធី OR Code Reader ដែលអាចដំឡើងក្នុងទូរសព្ទដៃបាន។

ការដាក់ឲ្យប្រើប្រាស់សន្លឹកវិញ្ញាបនបត្រទម្រង់ថ្មីនេះ មិនមែនមានន័យថាអ្នកមានសន្លឹកបណ្ណចាស់ត្រូវមកប្តូរថ្មីនោះទេ ឯកឧត្តមថាលើកលែងតែមានការផ្ទេរឈ្មោះ ឬកាត់ឈ្មោះ ឬដាក់បន្ទុកជាដើម៕

ទស្សនាវីដេអូ៖

អត្ថបទ៖ ទូច សុខា

ពាក្យទាក់ទង

អចលនទ្រព្យ

អត្ថបទពេញនិយម

ដឹងអត់! ភាគច្រើនបញ្ហា ៥យ៉ាងនេះហើយដែលធ្វើឱ្យឡានចេញ Check

ភ្ញាក់ផ្អើលចំនួនភ្ញៀវទេសចរទៅលេងកំពត អំឡុងចូលឆ្នាំ៤ថ្ងៃ ក្រោយមានរូបសេះសមុទ្របាញ់ទឹក

Mbappe មិនដូរចិត្ត ទោះជួយ PSG ឡើងវគ្គពាក់កណ្ដាលផ្ដាច់ព្រ័ត្រ UCL

Tim Cook ទៅទស្សនកិច្ចនៅវៀតណាម ចង់ពង្រីកការវិនិយោគ! តើអាចទៅរួចទេ បើករោងចក្រដំឡើង iPhone?

តារាចម្រៀងរាប់ភ្លេចលើលោក ប៉ុន្តែមានតែ ២៩នាក់ជាប់ជា «បុគ្គលមានឥទ្ធិពលខ្លាំង» លើ Instagram

ចិត្តដូចគ្នាណាស់! បវរកញ្ញា ៣រូប លើកយកសារ៉ុងខ្មែរមកច្នៃជាឈុត fashion ដើម្បីផ្សព្វផ្សាយ

អត្ថបទថ្មី

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

លីគកំពូលអង់គ្លេសនឹងប្រើបច្ចេកវិទ្យាថ្មីក្នុងការចាប់ Offside

Bayer Leverkusen ឈ្នះពានលីគអាល្លឺម៉ង់ បំបាក់ជើងឯកឆ្នាំចាស់ Bayern Munich

Mbappe មិនដូរចិត្ត ទោះជួយ PSG ឡើងវគ្គពាក់កណ្ដាលផ្ដាច់ព្រ័ត្រ UCL

ពេញចិត្ត ឬមិនពេញចិត្ត ភឹម ស្រីនោ ស្នើរមហាជនរិះគន់ក្នុងន័យស្ថាបនាដល់ម្ចាស់ជយលាភី MGC 2024