T.O.P ជាតារាមួយរូបដែលជំរុញឲ្យតួអង្គ Joker លេងស្ទីលសក់ និងតែងមុខបែបនេះ

2018-06-07 03:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តរឿង "Suicide Squad” ជាភាពយន្តមួយដែលទទួលបានពានរង្វាន់ការតុបតែងស្ទីលឡូយជាងគេរបស់ Oscar ។

បើតាមវិបសាយ AllKpop បានឲ្យដឹងថា នៅពីក្រោយការតុបតែងមុខ រួមនឹងការលេងស្ទីលម៉ូដសក់ដែលធ្វើឲ្យតួអង្គក្នុងរឿងមានការទាក់ទាញខ្លាំងនោះ ក៏មានតារាចម្រៀងដ៏ល្បីល្បាញប្រចាំប្រទេសកូរ៉េ T.O.P ម្នាក់ផងដែរ។

ស្ទីលផាត់មុខ និងលេងពណ៌សក់របស់តារាចម្រៀងរូបនេះ បានជំរុញឲ្យអ្នកតុបតែងមុខ អាចរកឃើញពីរបៀបតុបតែងមុខឲ្យស័ក្ដិសមនឹងតួអង្គ Joker។

ជាក់ស្ដែង ក្នុងរូបភាពមួយសន្លឹកដែលបានបង្ហោះដោយអ្នកតុបតែងមុខក្នុងរឿង "Suicide Squad” បានបង្ហាញពីរូបតួអង្គមួយចំនួនក្នុងរឿងមួយនេះ ហើយរូបភាពរបស់ T.O.P ក៏មានក្នុងចំណោមនោះដែរ។

គួរបញ្ជាក់ដែរថា ស្ទីលតុបតែងខ្លួនរបស់ T.O.P ដែលដូចទៅនឹងតួអង្គ Joker គឹអំឡុងពេលកំពុងផ្សព្វផ្សាយបទចម្រៀង "Bae Bae” របស់ក្រុម BIGBANG ហើយក្រុមអ្នកតុបតែងមុខសម្រាប់រឿង "Suicide Squad" បានគិតថាការតុបតែងរបស់តារាចម្រៀងរូបនេះគឺពិតជាស័ក្ដិសមជាមួយតួអង្គ Joker នេះណាស់៕

ប្រភព៖ nextshark ប្រែសម្រួល៖ អន សុភក្ត្រា