កូនស្រីទោលអ្នកនិពន្ធ ម៉ៅ សំណាង បន្តវេនពីម្តាយដោយឥតព្រៀងទុក
- 2018-06-08 01:00:00
- ចំនួនមតិ 0 | ចំនួនចែករំលែក 0
កូនស្រីទោលអ្នកនិពន្ធ ម៉ៅ សំណាង បន្តវេនពីម្តាយដោយឥតព្រៀងទុក
ចន្លោះមិនឃើញ
វ័យ ២២ ឆ្នាំហើយ នារីវ័យក្មេងដ៏ស្រស់ស្អាត ម៉ៅ ចាន់រស្មី បានតាំងចិត្តបន្តការងារផ្នែកតែងនិពន្ធ និងសរសេរប៉ារូលកុនបន្តពីម្តាយ ដោយឥតព្រៀងទុក។
កាលដើមឡើយ កញ្ញា រស្មី ដំណក់ឈាមតែមួយគត់របស់ លោកស្រីរៀមច្បង អ្នកនិពន្ធប្រលោមលោកខ្មែរ ម៉ៅ សំណាង នាមហៅ សុភាទន្សាយ មិនគិតថាចាប់យកជំនាញនិពន្ធនេះទេ តែក៏មានដុងខ្លះៗដែរខាងផ្នែកនិពន្ធ ដោយសារមើលឃើញគំរូររបស់ម្តាយស្រាប់។ វ័យកុមា យុវតីរូបនេះ ចូលចិត្តអានសៀវភៅគ្រប់ប្រភេទ មិនត្រឹមតែជាសៀវភៅរបស់ម្តាយខ្លួននោះទេ ហើយក៏ជួយធ្វើជាជំនួយការរបស់ម្តាយលើការវាយអត្ថបទចូលក្នុងកំព្យូទ័រ ហើយក្រោយៗមកទៀត កញ្ញា ក៏បន្តការងារនេះពីម្តាយដោយមិនដឹងខ្លួនប្រហែលជា ៥ឆ្នាំមកហើយ។
បច្ចុប្បន្ន អ្នកនិពន្ធ ក្មេងវ័យ ម៉ៅ ចាន់រស្មី ក៏បានបញ្ចប់បរិញ្ញាប័ត្រ ខាងផ្នែក ពាណិជ្ជកម្មអន្តរជាតិ ពីសាលកវិទ្យាល័យកម្ពុជា រួចហើយ។ ទោះជាស្តាប់ទៅមិនទំនងក្នុងការសរសេរប៉ារូលកុន និងមុខវិជ្ជានេះមែន តែកញ្ញា រស្មីបន្តថា ដោយសារខ្លួនមិនដឹងថារៀនអ្វី ណាមួយចិត្តក៏មិនដែរត្រៀមខ្លួនទៅបន្តការងារម្តាយដែរ ទើបបន្តការសិក្សារក្នុងសាកលវិទ្យាល័យតាមគេតាមឯងដោយមិនមានគោលដៅច្បាស់លាស់។ ក៏ប៉ុន្តែ រស្មី ប្រាប់ថា ម្តាយរបស់ខ្លួនមិនដែល ជម្រុញ ឬលើកតម្កើងរូបនាង ត្រូវតែជា អ្នកនិពន្អធនោះទេ មានតែលើកទឹកចិត្ត រស្មី ឱ្យពេញចិត្តលើកអ្វីដែលខ្លួនស្រលាញ់ និងធ្វើអ្វីដែលខ្លួនធ្វើបាន។
កញ្ញា ចាន់រស្មី បន្តថា ក្រោយពេលដែលនាងបន្តការងារបន្តពីម្តាយខាងផ្នែកនិពន្ធនេះរួចមក លោកស្រី ម៉ៅ សំណាង មានការពេញចិត្តរីករាយលើសស្មាន ព្រោះគាត់មិនបានបង្ហាញបង្រៀន ឬណែនាំកូនស្រីម្នាក់នេះទេ តែបែរជាកូនស្រីមានដុង បង្កើតស្នាដៃដោយខ្លួនឯង។ យុវតីរូបនេះ ក៏លើកឡើងដែរថា ហេតុតែចង់ក្លាយជាអ្នកនិពន្ធ ហើយនឹងប៉ារូល ឬសេនារីយ៉ូកុន ដោយសាររូបមានគំនិចចង់ឃើញភាពយន្តខ្មែរកាន់តែច្រើនទទួលបានជោគជ័យ និងមានការទទួលស្គាល់ដូចកាលពីជំនាន់ដើម។
ថ្មីៗនេះដែរ យុវតីរូបនេះ ក៏ទើបតែទទួលបានការងារសរសេរសេនារីយ៉ូកុន ពីអ្នកស្រីម៉ីសន សុធារី ក្នុងរឿង «១ម៉ឺនស្នេហ៍ផ្ញើទៅកោះកុង» ដែលនឹងប្រើពេលមិនតិចជាង ១ខែនេះដើម្បីបង្ហើយការងារ។ រីឯកន្លែងធ្វើការរបស់ អ្នកនិពន្ធរូបនេះវិញគឺភាគច្រើននៅតាមហាងកាហ្វេនានា ក្នុងទីក្រុងភ្នំពេញ ដើម្បីទទួលបានបរិយាកាសប្លែកៗ សរសេរសេនារីយ៉ូបានល្អ ធ្វើឱ្យសាច់រឿងកាន់តែប្រសើរ៕