Ronaldo និយាយយ៉ាងណាពីឱកាសព័រទុយហ្គាល់លើកពាន World Cup?
- 2018-06-07 11:20:50
- ចំនួនមតិ 0 | ចំនួនចែករំលែក 0
Ronaldo និយាយយ៉ាងណាពីឱកាសព័រទុយហ្គាល់លើកពាន World Cup?
ចន្លោះមិនឃើញ
ខ្សែប្រយុទ្ធ Cristiano Ronaldo ទទួលស្គាល់ថាក្រុមជម្រើសជាតិព័រទុយហ្គាល់ "មិនស្ថិតក្នុងចំណោមក្រុមដែលមនុស្សជាច្រើនរំពឹងថាឈ្នះ World Cup” ប៉ុន្តែបានលើកឡើងថា "ក្នុងបាល់ទាត់ អ្វីក៏អាចកើតឡើង"។
ថ្លែងក្នុងពិធីជួបជុំក្រុមជម្រើសជាតិកាលពីម្សិលមិញក្រោមអធិបតីភាពប្រធានាធិបតីព័រទុយហ្គាល់ លោក Marcelo Rebelo De Sousa ខ្សែប្រយុទ្ធ Ronaldo បាននិយាយថា ក្រុមជម្រើសជាតិមាន "មហិច្ឆតាខ្ពស់" ចំពោះ World Cup ខាងមុខ។
ទោះជាយ៉ាងនេះក្ដី កីឡាករវ័យ ៣៣ឆ្នាំ បានសារភាព៖ "យើងដឹងថា យើងមិនស្ថិតក្នុងចំណោមក្រុមដែលមនុស្សជាច្រើនរំពឹងថានឹងឈ្នះ World Cup។ យើងត្រូវតែមានភាពប្រាកដនិយមអំពីគោលដៅរបស់យើង ប៉ុន្តែក្នុងបាល់ទាត់ អ្វីក៏អាចកើតឡើងដែរ"។
Ronaldo យល់ថាក្រុមជម្រើសជាតិព័រទុយហ្គាល់ ត្រូវតែផ្ដោតការយកទុកខ្លាំង "ពីមួយប្រកួតទៅមួយប្រកួត" ហើយ "ខំលេងឲ្យអស់ពីសមត្ថភាព"។
គួររម្លឹកឡើងវិញដែរថា ព័រទុយហ្គាល់បានគ្រងជាម្ចាស់ជើងឯក Euro កាលពីឆ្នាំ ២០១៦ ក្រោយឈ្នះបារាំងក្នុងលទ្ធផល ១-០ ក្នុងវគ្គផ្ដាច់ព្រ័ត្រ។
ក្នុង World Cup លើកនេះ ក្រុមជម្រើសជាតិនឹងត្រូវប៉ះជាមួយអេស្ប៉ាញនៅថ្ងៃទី ១៥ មិថុនា, ម៉ារ៉ុក នៅ ៤ ថ្ងៃបន្ទាប់ និងអ៊ីរ៉ង់នៅថ្ងៃទី ២៥ មិថុនា៕