ត្រឹម ២២ថ្ងៃសោះ ក្លឹប PL ជះលុយអស់ប៉ុននេះបាត់
- 2018-06-08 13:55:07
- ចំនួនមតិ 0 | ចំនួនចែករំលែក 0
ត្រឹម ២២ថ្ងៃសោះ ក្លឹប PL ជះលុយអស់ប៉ុននេះបាត់
ចន្លោះមិនឃើញ
គិតត្រឹម ២២ ថ្ងៃចុងក្រោយ ក្លឹប Premier League បានចំណាយដល់ទៅ ២៨០ លានអឺរ៉ូ (៣៣០ លានដុល្លារសហរដ្ឋអាមេរិក) លើការផ្ទេរកីឡាករ។ នេះបើតាមការចុះផ្សាយរបស់ Marca។
ក្លឹបពីររួមមាន Liverpool និង Manchester United ហាក់មានសកម្មភាពចាយធំសកម្មជាងគេក្នុងរយៈពេលនេះ។ ក្លឹប Liverpool បានចំណាយ ៦០ លានអឺរ៉ូ (៧០ លានដុល្លារសហរដ្ឋអាមេរិក) ក្នុងការទិញកីឡាករ Fabinho ពី Monaco និងបានចាយ ៥២ លានអឺរ៉ូទៀត ( ៦១ លានដុល្លារសហរដ្ឋអាមេរិក) ក្នុងការធ្វើកិច្ចព្រមព្រៀងសម្រេចក្នុងការទិញខ្សែបម្រើ Naby Keita ពីក្លឹបអាល្លឺម៉ង់ RB Leipzig។
ចំណែកបិសាចក្រហមវិញ បានសម្រុកចាយប្រមាណជាង ៨០ លានអឺរ៉ូ (៩៤ លានដុល្លារសហរដ្ឋអាមេរិក) កាលពីពេលថ្មីៗនេះក្នុងការនាំចូលកីឡាករចំនួនពីររូប។ មួយគឺ ខ្សែស្លាបប្រេស៊ីល Fred ដែលមានតម្លៃផ្ទេរ ៦០ លានអឺរ៉ូ (ជាង ៧០ លានដុល្លារសហរដ្ឋអាមេរិក) និងកីឡាករទី ២ គឺ ខ្សែការពារស្លាបព័រទុយហ្គាល់ Diogo Dalot ដែលត្រូវបានរាយការណ៍ថា Manchester United ទិញពី Porto ក្នុងតម្លៃ ២២ លានអឺរ៉ូ (២៥ លានដុល្លារសហរដ្ឋអាមេរិក)។
ដោយឡែកក្លឹបអង់គ្លេសមួយចំនួនទៀតក៏មានសកម្មភាពមមាញឹកផងដែរក្នុងការផ្ទេរ កីឡាករ។ តួយ៉ាង Leicester City បានធ្វើបានសម្រេចក្នុងការនាំចូលកីឡាករ ២ រូបបាត់ទៅហើយរួមមាន Ricardo Pereira ពី Porto និង Jonny Evans ពី West Brom៕