Song Hye Kyo ចិន ក្រោយសម្រាលកូនរួច មុខមាត់ប្រែប្រួលខ្លាំង

2018-06-09 02:38:15
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងចិនឈ្មោះ Zhang Yifei ជាតារាសម្ដែងមួយរូបដែលទទួលបានភាពល្បីល្បាញដោយសារសម្រស់ដ៏ស្រស់ស្អាត និងទេពកោសល្យសម្ដែងរបស់នាង។

តារាស្រីរូបនេះ ធ្លាប់ត្រូវបានគ្រប់គ្នាហៅថាជា "តារាសម្ដែងSong Hye Kyo ប្រចាំប្រទេសចិន" ថែមទៀតផង ដោយសារតែសម្រស់ មុខមាត់របស់នាងស្រដៀងគ្នានឹងតារាសម្ដែងកូរ៉េរូបនោះ។

ប៉ុន្តែក្នុងមួយរយៈពេលកន្លងមកនេះ ក្រោយតារាសម្ដែងចិនរូបនេះបានផ្ដល់កំណើតដល់កូនភ្លោះរបស់នាងរួចនោះ រូបរាង និងមុខមាត់របស់នាងបានប្រែប្រួលលែងដូចមុន។ មុខរបស់នាងប្រែជាស្គម ចង្កាឡើងស្រួច ដែលធ្វើឲ្យអ្នកគាំទ្រមានការភ្ញាក់ផ្អើលជាខ្លាំង។ ក្រោយទទួលបានការចាប់អារម្មណ៍ពីអ្នកគាំទ្រលើរូបរាង និងមុខមាត់របស់នាងបែបនេះ Zhang Yifei បានបញ្ជាក់ថា នាងបានទៅកែសម្ផស្ស។ ការកែសម្ផស្សរបស់នាងនេះ គឺមិនបានទៅវះកាត់នោះទេ នាងបានប្រើវិធីសាស្ត្រមួយឈ្មោះ Ultherapy ដោយប្រើប្រាស់សំឡេងរំញោចដែលអាចជ្រាបចូលទៅក្នុងសាច់មុខបានជ្រៅ ធ្វើឲ្យមុខមានភាពរលោងស្អាត ក្មេងជាងវ័យ៕

ប្រភព៖ Kenh14 ប្រែសម្រួល៖ អន សុភក្ត្រា