អ្នកគាំទ្រក្មេងៗ ជាច្រើនផ្ដាំទៅ Suarez ថាកុំខាំគេទៀតនៅ World Cup ឆ្នាំនេះ

2018-06-09 07:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Luis Suarez កាលពី World Cup 2014 នៅប្រទេសប្រេស៊ីល បានខាំខ្សែការពារ Chiellini ហើយក៏ត្រូវជាប់ពិន័យរហូតដល់៩ប្រកួតឯណោះជាមួយក្រុមជម្រើសជាតិអ៊ុយរុយហ្គាយ។

ចំពោះ World Cup 2018 នេះវិញ មានអ្នកគាំទ្រក្មេងៗជាច្រើនបាននិយាយលក្ខណៈកំប្លែងថា សូមឱ្យខ្សែប្រយុទ្ធ Suarez កុំខាំនរណាគេទៀត ដើម្បីឱ្យរូបគេបានជួយក្រុមពេញសមត្ថភាព។ ក្រុមទាំងគាំទ្រទាំងអស់ ចង់ឃើញក្រុមជម្រើសជាតិអ៊ុយរុយហ្គាយធ្វើឱ្យបានល្អបំផុត ត្បិតអីពួកគេមានកីឡាករល្អច្រើន និងស្ថិតក្នុងពូល A ជាមួយក្រុមអារ៉ាប៊ីសាអ៊ូឌីត អេស្ស៊ីប និងម្ចាស់ផ្ទះរុស្ស៊ី។ ពូលនេះ ត្រូវបានគេគិតថា អ៊ុយរុយហ្គាយ ជាក្រុមចាស់ទុំជាងគេ ហើយក៏អាចឈរនៅចំណាត់ថ្នាក់លេខ១ផងដែរ។

នៅចាំបានថា ករណីដែល Suarez ខាំខ្សែការពារអ៊ីតាលីនៅ World Cup នោះ រូបគេត្រូវបាន FIFA ពិន័យមិនឱ្យមានសកម្មភាពបាល់ទាត់ដល់៤ខែ ហើយមិនឱ្យលេងឱ្យក្រុមជម្រើសជាតិ៩ប្រកួតថែមទៀតផង។ ក្រោយពីត្រូវពិន័យ ខ្សែប្រយុទ្ធរបស់ក្រុម Barcelona រូបនេះ បានទទួលស្គាល់កំហុស ហើយបានសុំទោសទៅ Giorgio Chiellini និងសន្យាជាសាធារណៈថាមិនឱ្យមានរឿងនេះកើតឡើងទៀតទេ៕

ប្រភព៖ Marca ប្រែសម្រួល៖ មុន្នីរម្យ