តារាកូរ៉េ ៦ដួង ស្មោះស្ម័គ្ររៀបការជាមួយជនបរទេស

2018-06-09 09:44:29
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាកូរ៉េ ៦នាក់ខាងក្រោម បានបំបែករបាំងខ័ណ្ឌចែកប្រទេសដោយសម្រេចចិត្តរៀបអាពាហ៍ពិពាហ៍ជាមួយគូស្នេហ៍មកពីប្រទេសដទៃ។

១. តារាសម្ដែង Choo Ja Hyun

តារាសម្ដែងប្រចាំប្រទេសកូរ៉េ Choo Ja Hyun បានរៀបអាពាហ៍ពិពាហ៍ជាមួយតារាសម្ដែងចិន Yu Xiaoguang ក្នុងឆ្នាំ ២០១៧។ ហើយក្នុងខែតុលា ឆ្នាំ២០១៧ដដែល តារាសម្ដែងស្រីបានប្រកាសពីដំណឹងនៃការមានទម្ងន់របស់នាង។

២. តារាសម្ដែង Ham So Won

តារាសម្ដែង Ham So Won រៀបការជាមួយស្វាមីវ័យក្មេង Jin Hau ជាជនជាតិចិន និងមានវ័យក្មេងជាងនាងរហូតដល់ ១៨ ឆ្នាំឯណោះ។

៣. តារាសម្ដែង Shin Joo Ah

តារាសម្ដែងស្រីរូបនេះបានរៀបអាពាហ៍ពិពាហ៍ជាមួយមហាសេដ្ឋីរបស់ប្រទេសថៃ Saraut Rachanacun ក្នុងខែកក្កដា ឆ្នាំ២០១៤។ គូស្នេហ៍មួយគូនេះបានជួបគ្នា នៅទីក្រុងបាងកក ខណៈតារាសម្ដែង Shin Joo Ah បានធ្វើដំណើរកម្សាន្តជាមួយមិត្តភ័ក្ដិ និងក្រុមគ្រួសាររបស់នាងនៅទីនោះ។

៤. តារាសម្ដែង Im Sang Hyo

តារាសម្ដែងស្រីរូបនេះបានជួបជាមួយស្វាមីរបស់នាងនៅក្នុងទីក្រុងប៉ារីសក្នុងឆ្នាំ ២០០៤។ មួយឆ្នាំក្រោយមក ពួកគេបានរៀបអាពាហ៍ពិពាហ៍ជាមួយគ្នា។ ស្វាមីរបស់នាង ត្រូវបានឲ្យដឹងថា ជាមហាសេដ្ឋីមួយរូបរបស់ប្រទេសថៃ។

៥. អ្នកដឹកនាំរឿង Kim Tae Yong

អ្នកដឹកនាំរឿងដ៏ល្បី លោក Kim Tae Yong បានរៀបអាពាហ៍ពិពាហ៍ជាមួយតារាសម្ដែងចិន Tang Wei ក្នុងឆ្នាំ ២០១៤។

៦. តារាសម្ដែង Chae Rim

តារាសម្ដែង Chae Rim បានរៀបអាពាហ៍ពិពាហ៍ជាមួយតារាសម្ដែងចិន Gao Ziqi ក្នុងឆ្នាំ ២០១៤។ គូស្នេហ៍មួយគូនេះ បានស្វាគមន៍កំណើតកូនប្រុសដំបូងរបស់ពួកគេដែលបានកើតក្នុងខែធ្នូ ឆ្នាំ២០១៧៕

ប្រភព៖ Koreaboo ប្រែសម្រួល៖ អន សុភក្ត្រា