យប់មិញបារាំងដាក់ជើងពេញ ក៏មិនអាចធើស៊ីអាមេរិក
- 2018-06-10 02:12:09
- ចំនួនមតិ 0 | ចំនួនចែករំលែក 0
យប់មិញបារាំងដាក់ជើងពេញ ក៏មិនអាចធើស៊ីអាមេរិក
ចន្លោះមិនឃើញ
មាន់គកបារាំងបានត្រឹមស្មើគ្នា១-១ ក្នុងជំនួបមិត្តភាពកម្ដៅសាច់ដុំជាមួយសហរដ្ឋអាមេរិក USA បើទោះដាក់ជើងពេញសម្បូរទៅដោយ Super Stars ក្ដី ដែលការប្រកួតធ្វើឡើងនៅទីលាន Groupama Stadium នៃទឹកដីប្រទេសបារាំង មុនហោះទៅទឹកដីរុស្ស៊ី ដើម្បីបើកឆាកការប្រកួត World Cup 2018 ជាមួយអូស្ត្រាលីនៅថ្ងៃទី១៦ ខែមិថុនា ឆ្នាំ២០១៨។
ជំនួបមិត្តភាពនេះបារាំងត្រូវបានក្រុមភ្ញៀវ USA នាំមុខមុននៅនាទីទី៤៤ ដោយកីឡាករ J. Green មុនចប់វគ្គទី១។ ចំណែកការតាមស្មើរបស់បារាំងកើតឡើងនៅនាទីទី៧៨ ដែលរកបានដោយខ្សែប្រយុទ្ធវ័យក្មេង K. Mbappé ។ ចប់ការប្រកួតក្រុមទាំងពីរស្មើគ្នា១-១។
បើទោះលទ្ធផលនេះស្មើគ្នាមែនក្រុមបារាំងបានធ្វើការកៀបសង្កត់ទៅលើក្រុមភ្ញៀវយ៉ាងខ្លាំង ប៉ុន្តែហាក់គ្មានសំណាងទាល់តែសោះ។ ចំណុចដែលគួរឲ្យគាត់សំគាល់គឺបារាំងមិនបានទុកជើងអ្វីឡើយ ពោលគឺដាក់ជើងពេញទាំងអស់៕
ជើងរបស់បារាំងយប់មិញ