សេដ្ឋី ៤ រូប កើតមកក្រ តស៊ូរហូតសល់ប្រាក់ប្រាក់ពាន់លាន

2018-06-11 03:05:23
ចំនួនមតិ 0 | ចំនួនចែករំលែក 0

ចន្លោះមិនឃើញ

មហាសេដ្ឋីនៅក្នុងពិភពលោក មិនសុទ្ធសឹងតែចាប់កំណើតមកជាមួយទ្រព្យសម្បត្តិមហាសាលនោះទេ ដោយខ្លះត្រូវឆ្លងកាត់ជីវិតកម្សត់កម្រអស់រាប់សិបឆ្នាំ ដោយខិតខំតស៊ូរហូតក្លាយជាបុគ្គលល្បីឈ្មោះនិងទទួលការឲ្យតម្លៃពីមនុស្សរាល់គ្នា។

១.ស្ថាបនិក WhatsApp លោក Jan Koum:

លោក Koum មានដើមកំណើតក្នុងទីក្រុង Kyiv ប្រទេសអ៊ុយក្រែន។ ឈានដល់វ័យ ១៦ ឆ្នាំ លោកសម្រេចចិត្តធ្វើចំណាកស្រុកជាមួយម្តាយទៅរស់នៅក្នុងរដ្ឋ California សហរដ្ឋអាមេរិក។ តាមរយៈជំនួយរបស់រដ្ឋាភិបាលម្តាយនិងកូនដ៏កម្សត់នេះ មានប្រាក់សមល្មមក្នុងការជួលផ្ទះទុកស្នាក់អាស្រ័យ ហើយលោកបានធ្វើជាអ្នកបោសសម្អាតនៅហាងលក់តូចមួយក្នុងស្រុក។

ផ្អែកតាមសារព័ត៌មាន The Independent លោក Koum បានសិក្សាជាមួយអ្នកជំនាញកុំព្យូទ័រ រហូតដល់ឆ្នាំ ២០០៩ ស្ថាបនិករូបនេះក៏បង្កើតបាននូវកម្មវិធីផ្ញើសាររហ័សមួយឲ្យឈ្មោះ WhatsApp ហើយត្រូវបានទិញយកក្នុងតម្លៃ ២២ ពាន់លានដុល្លារ ពី Facebook នៅឆ្នាំ ២០១៤។

បច្ចុប្បន្នលោកមានទ្រព្យសម្បត្តិ: ៩,២ ពាន់លានដុល្លារ

២.ស្ថាបនិក Oracle លោក Larry Ellison:

មានដើមកំណើតក្នុងទីក្រុង New York លោក Ellison កើតមកក្រោមការមើលថែដោយម្តាយ មុនពេលមីងនិងពូរស់នៅទីក្រុង Chicago សម្រេចយកទៅចិញ្ចឹម។ មិនបានប៉ុន្មានម្តាយមីងក៏ស្លាប់ ហើយ Ellison ត្រូវបោះបង់ការសិក្សានៅមហាវិទ្យាល័យ រួចប្តូរទៅរស់នៅក្នុងរដ្ឋ California ដើម្បីស្វែងរកការងារធ្វើអស់រយៈពេល ៨ ឆ្នាំ។

រហូតទាល់ឆ្នាំ ១៩៧៧ ទើបបុរសរូបនេះអាចបង្កើតក្រុមហ៊ុនអភិវឌ្ឍកម្មវិធី (Software) ឲ្យឈ្មោះ Oracle ជាក្រុមហ៊ុនបច្ចេកវិទ្យាលំដាប់កំពូលក្នុងលោក ខណៈបច្ចុប្បន្នលោកមានតំណែងជា CTO។

បច្ចុប្បន្នមានទ្រព្យសម្បត្តិ: ៥៨,៩ ពាន់លានដុល្លារ

៣.ស្ថាបនិក ArcelorMittal លោក Lakshmi Mittal:

អត្ថបទចុះផ្សាយដោយ BBC នាឆ្នាំ ២០០៩ បានឲ្យដឹងថា ស្ថាបនិកនិងនាយកប្រតិបត្តិក្រុមហ៊ុនដែកថែប ArcelorMittal បានកើតក្នុងឆ្នាំ ១៩៥០ ក្នុងគ្រួសារក្រខ្សត់មួយនៅរដ្ឋ Rajasthan ប្រទេសឥណ្ឌា។ ប៉ុន្តែជីវិតរបស់លោកបានផ្លាស់ប្តូរក្នុងរយៈពេលជាង ២ ទសវត្សរ៍ ក្រោយខំសិក្សាលើឧស្សាហកម្មផលិតដែកថែប។

បច្ចុប្បន្នមានទ្រព្យសម្បត្តិ: ១៨,៦ ពាន់លានដុល្លារ

៤.ស្ថាបនិក Cheung Kong Industries លោក Li Ka-shing:

លោក Ka-shing បានភៀសខ្លួនពីចិនដីគោកទៅទីក្រុងហុងកុងអំឡុងទសវត្សរ៍ឆ្នាំ ១៩៤០ ក្រោយពេលឪពុកស្លាប់។ ក្នុងវ័យ ១៥ ឆ្នាំ លោកត្រូវទទួលបន្ទុកធ្ងន់ធ្ងរលើក្រុមគ្រួសារ រហូតត្រូវបង្ខំចិត្តបោះបង់ការសិក្សា។ ដល់ឆ្នាំ ១៩៥០ ទើប Ka-shing អាចសម្រេចបើកក្រុមហ៊ុនមួយដោយខ្លួនឯង ឲ្យឈ្មោះ Cheung Kong Industries ដែលក្នុងដំណាក់កាលដំបូលផលិតប្លាស្ទិក មុនវិវត្តចូលទីផ្សារអចលនទ្រព្យ។

បច្ចុប្បន្នមានទ្រព្យសម្បត្តិ: ៣៤ ពាន់លានដុល្លារ