គ្រូស្វាយរៀង៖ វិសាខា លេងល្អ អាចឈ្នះលីគកំពូលកម្ពុជា
- 2018-06-11 03:26:50
- ចំនួនមតិ 0 | ចំនួនចែករំលែក 0
គ្រូស្វាយរៀង៖ វិសាខា លេងល្អ អាចឈ្នះលីគកំពូលកម្ពុជា
ចន្លោះមិនឃើញ
ក្រុមព្រះខ័នរាជស្វាយរៀង បានបរាជ័យក្រោមថ្វីជើងរបស់ក្រុមវិសាខា ដោយលទ្ធផល ៣-២ នាការប្រកួតសប្ដាហ៍ទី៩នៃលីគកំពូលកម្ពុជា។
លោក Conor Nestor គ្រូបង្វឹកក្រុមព្រះខ័នរាជស្វាយរៀងបាននិយាយចំពោះការប្រកួតនោះថា លោកពិតជាសោកស្ដាយចំពោះការធ្វេសប្រហែសរបូតគ្រាប់បាល់ ប៉ុន្តែសប្បាយចិត្តចំពោះទម្រង់លេងរបស់ក្រុម បើទោះជាបាត់កីឡាករសំខាន់ៗច្រើន។ ជាមួយការបង្កើតឱកាសច្រើននេះ គ្រូបង្វឹករំពឹងថាប្រកួតក្រោយនឹងទទួលបានលទ្ធផលល្អជាងការប្រកួតមួយនេះ។
ចំពោះក្រុមវិសាខា វិញ លោក Conor មើលឃើញថាជាក្រុមល្អមួយដែលមានទម្រង់លេងនិងកីឡាករល្អៗច្រើន។ លោកគិតថាក្រុមមួយនេះ មានជាបេក្ខភាពមួយក្នុងការប្រជែងយកពានរង្វាន់លីគកំពូលកម្ពុជានារដូវកាលនេះបាន។ ការរៀបចំក្រុមបានល្អ កីឡាករមានបទពិសោធ គឺជាចំណុចមួយដែលអាចធ្វើឱ្យវិសាខា មានឱកាសច្រើនសម្រាប់ប្រជែងជាមួយក្រុមដទៃ។
ក្រុមព្រះខ័នរាជស្វាយរៀង ដាច់ឆ្ងាយពីក្រុមកំពូលតារាងខ្លាំងមែនទែន ដោយឆ្លងកាត់៩ប្រកួតមកនេះ ពួកគេទើបតែមាន១១ពិន្ទុប៉ុណ្ណោះ។ ស្របពេលដែលក្រុមកំពូលតារាងបឹងកេត មាន២៣ពិន្ទុទៅហើយ។ ដោយឡែកសម្រាប់វិសាខាវិញ ឈរនៅលេខ៣ក្នុងតារាងមាន១៩ពិន្ទុ ឆ្លងកាត់៩ប្រកួត៕