សហព័ន្ធរាំ បានការគាំទ្រពីសម្ដេចម៉ែ និងមហាជន នាថ្ងៃស្រមោលសលើកទី១
- 2018-06-11 06:10:07
- ចំនួនមតិ 0 | ចំនួនចែករំលែក 0
សហព័ន្ធរាំ បានការគាំទ្រពីសម្ដេចម៉ែ និងមហាជន នាថ្ងៃស្រមោលសលើកទី១
ចន្លោះមិនឃើញ
សហព័ន្ធរាំ បានការសាទរ និងគាំទ្រច្រើន នាថ្ងៃបើកកម្មវិធីស្រមោលសលើកទី១ ដែលបង្ហាញវត្តមានរបស់កីឡាមួយនេះ រួមនិងសកម្មភាពនានាកន្លងមក កាលពីយប់ថ្ងៃសុក្រ ទី៨ ខែមិថុនា ឆ្នាំ២០១៨ នៅសណ្ឋាគារសុខា។
លោក ជំទាវ ញ៉ែម មរកត ប្រធានសហព័ន្ធរាំ បានឲ្យដឹងថា នេះជាលើកទី១ហើយ ដែលបង្កើតឲ្យមានកម្មវិធីរាត្រីស្រមោលស ហើយគោលបំណងធំនោះគឺ ចង់បង្ហាញវត្តមានរបស់ប្រភេទកីឡាមួយនេះ ក៏ដូចសុំនូវការជួយគាំទ្រ ដើម្បីជួយជំរុញឲ្យកាន់តែល្អ និងដំណើរការឆ្ពោះទៅកាន់ប្រកួតប្រជែងនាពេលខាងមុខ។
ប្រធានសហព័ន្ធសហព័ន្ធខាងលើបន្ថែមថា សូមមហាជនជួយគាំទ្រ និងអាចចូលរួមហ្វឹកហាត់ រៀនលេងកម្សាន្ត ដើម្បីសុខភាពល្អមាំមួន រហ័សរហួន រាងកាយស្អាតទន់ភ្លន់ ហើយជាធនធានបន្ថែមទៀតដើម្បីសំបូរកីឡាករ កីឡាការិនី ត្រៀមការប្រកួតស៊ីហ្គេមឆ្នាំ ២០១៩ នៅប្រទេសហ្វីលីពីន និង ២០២៣ ពេលកម្ពុជាធ្វើម្ចាស់ផ្ទះផងដែរ។
រំលឹកដែរថា រាត្រីស្រមោលសលើកទី១នេះធ្វើឡើងនៅឯសណ្ឋាគារសុខា កាលពីយប់ថ្ងៃទី៨ ខែមិថុនា ២០១៨ ដែលមានការចូលរួម និងឧបត្ថម្ភពីសំណាក់តំណាងក្រសួងអប់រំ យុវជន និងកីឡា តំណាងក្រសួងកិច្ចការនារី ក្រសួងព័ត៌មាននិងបណ្ដាក្រុមហ៊ុនជាច្រើនទៀតផងដែរ។ ក្រៅតែពីសប្បុរសជនទាំងនេះ សម្ដេចម៉ែក៏ប្រទានថវិកាផ្ទាល់ចំនួន ១ពានដុល្លារ ជូនដល់សហព័ន្ធនាឱកាសនោះដែរផងដែរ៕