អាសូរសិល្បករបុរាណខ្មែរ! ពេលថ្ងៃជាកម្មករសំណង់ ពេលយប់ជាតួល្ខោនបាសាក់
- 2018-06-12 00:25:00
- ចំនួនមតិ 0 | ចំនួនចែករំលែក 0
អាសូរសិល្បករបុរាណខ្មែរ! ពេលថ្ងៃជាកម្មករសំណង់ ពេលយប់ជាតួល្ខោនបាសាក់
ចន្លោះមិនឃើញ
ភាពយន្តឯកសារផលិតដោយនិស្សិតមួយក្រុម សាកលវិទ្យាល័យភូមិន្ទភ្នំពេញ បង្ហាញពីការរលត់ផុសសំឡេងនៃល្ខោនបាសាក់ រហូតដល់មានតួសម្តែងល្ខោនម្នាក់ ព្រោះតែស្រលាញ់ល្ខោនបាសាក់ សុខចិត្តពេលថ្ងៃធ្វើកម្មករសំណង់ ពេលយប់រត់ទៅសម្តែងល្ខោន។
ភាពយន្តឯកសារនេះស្ថិតក្នុងគម្រោងមួយដែលមានឈ្មោះថា Project 3 ដែលជារៀងរាល់ឆ្នាំ សិស្សឆ្នាំទី ៣ ដេប៉ាតឺម៉ងប្រព័ន្ធផ្សព្វផ្សាយ និងសារគមនាគមន៍ ហៅកាត់ DMC ត្រូវបែងចែកជាក្រុមដើម្បីផលិតភាពយន្តឯកសារទាក់ទងនឹងសង្គមសិល្បៈ បញ្ហាជីវិត និងបរិស្ថាន តាមការស្រាវជ្រាវរបស់សិស្សក្នុងមួយក្រុមៗនោះ។
ភាពយន្តឯកសារ រឿង «បាសាក់ក្រោមកម្ដៅថ្ងៃ» នេះដឹកនាំ និងផលិតដោយ កញ្ញា ព្រឿន បញ្ញារី និង លោក សាម សុជាទិញ ក្នុងឆ្នាំ ២០១៧។ ភាពយន្តឯកសារខ្លី ជាង ៨នាទី ដែលបង្ហាញពីជីវិតរបស់សិល្បករល្ខោនបាសាក់ ដែលតស៊ូលើការងារនេះតាំងពីអាយុ១៥ឆ្នាំ រហូតមកដល់បច្ចុប្បន្ន។ ក៏ប៉ុន្តែជីវភាពរបស់សិល្បករម្នាក់នេះ មិនប្រសើរឡើងសោះ ដោយសារតែតម្លៃនៃការសម្តែងសិល្បៈបុរាណមួយនេះធ្លាក់ចុះហៅលែងឮតែម្តង នេះបើតាមការរៀបរាប់របស់ សិល្បករ ល្ខោនបាសាក់ លោក សន គា បង្ហាញក្នុងវីដេអូភាពយន្តឯកសារនេះ។
លោក សន គា អះអាងថា កាលពីក្មេងលក់ការ៉េម ឆ្លៀតពេលទំនេរក៏មកហាត់រៀនល្ខោនបាសាក់ជាមួយលោកតា អូក្រឡូញ។ ត្បិតតែស្រលាញ់សិល្បៈ តែលោកមិនអាចពឹងផ្អែកលើអាជីពនេះទាំងស្រុងដើម្បីចិញ្ចឹមជីវិតបានឡើយ។
លោក សន គា ត្រៀមសម្តែងល្ខោន
ចង់ដឹងថាភាពយន្តឯកសារនេះ បង្ហាញអ្វីខ្លះពីល្ខោនបាសាក់ សូមទស្សនាខាងក្រោមនេះ៖