ដំណឹងល្អ! ទីបំផុតថ្លៃសាំងនៅកម្ពុជា ចុះថោកទូទាំងប្រទេសហើយ
- 2018-06-12 04:43:49
- ចំនួនមតិ 0 | ចំនួនចែករំលែក 0
ដំណឹងល្អ! ទីបំផុតថ្លៃសាំងនៅកម្ពុជា ចុះថោកទូទាំងប្រទេសហើយ
ចន្លោះមិនឃើញ
ក្រសួងពាណិជ្ជកម្ម បានចេញសេចក្ដីប្រកាសព័ត៌មាន ស្ដីពីការកំណត់តម្លៃលក់រាយប្រេងសាំងធម្មតានៅតាមស្ថានីយ គឺ ៤ ២០០រៀលក្នុង ១លីត្រ ដោយកាលពីសប្ដាហ៍មុន ៤ ៣០០រៀលក្នុងមួយលីត្រ។ ក្រសួងបញ្ជាក់ថា តម្លៃនេះ ត្រូវចាប់អនុវត្តន៍ដល់ថ្ងៃទី១២ដល់ ២១ មិថុនា ឆ្នាំ២០១៨។
គួរជម្រាបជូនថា និន្នាការតម្លៃប្រេងឥន្ធនៈនៅលើពិភពលោកកំពុងឡើងថ្លៃ ជាបន្តបន្ទាប់។ ចំណែកឯប្រទេសដែលនាំចូលប្រេងឥន្ធនៈពីទីផ្សារអន្តរជាតិ ក៏ត្រូវលក់បន្តក្នុងតម្លៃមួយ ទៅតាមការកើនឡើងនោះដែរ។ ជាក់ស្ដែងនៅកម្ពុជា បច្ចុប្បន្នតម្លៃប្រេងឥន្ធនៈកំពុងបន្តកើនឡើងជាលំដាប់។ តម្លៃប្រេងឥន្ធនៈកើនឡើង នោះនាំឲ្យតម្លៃទំនិញនៅលើទីផ្សារឡើងថ្លៃកាន់តែខ្ពស់ដូចគ្នា។
នៅកម្ពុជា ដើម្បីទប់ស្កាត់បញ្ហានេះ រដ្ឋាភិបាលបានចូលរួមក្នុងការកំណត់ថ្លៃ ឲ្យបណ្ដាស្ថានីយនានាទូទាំងប្រទេស ក្នុងការលក់ចេញ ដោយចូលរួមពីក្រសួងពាណិជ្ជកម្ម ក្រសួងសេដ្ឋកិច្ច និងក្រសួងរ៉ែ។ នេះជាដំណោះស្រាយមួយ ដើម្បីកុំឲ្យអ្នកផ្គត់ផ្គង់យកលេសថាសាំងអន្តរជាតិថ្លៃ ហើយកំណត់តម្លៃតាមតែចិត្តខ្លួនឯង។ នៅកម្ពុជា រដ្ឋាភិបាលកំណត់តម្លៃសាំងធ្វើឡើង១០ថ្ងៃម្ដង ឬ៣ដងក្នុង១ខែ៕