ចុងក្រោយ សុខ រឹទ្ធ ត្រូវ តែម ម៉ឺន កាត់ក្ដីឱ្យឈ្នះមេដាយមាសវិញហើយ

2018-06-12 08:05:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ឯកឧត្តម តែម ម៉ឺន ប្រធានសហព័ន្ធកីឡាប្រដាល់បានសម្រេចឲ្យ សុខ រឹទ្ធ ជាម្ចាស់មេដាយមាសកីឡាជាតិលើទី២វិញ បន្ទាប់ពីធ្វើការពិនិត្យម្ដងទៀតចំពោះការប្រកួតជាមួយ ហឹម សេរី។

ការពិនិត្យម្ដងទៀតនេះ ឃើញថាក្នុងទឹក១និង២ បង្គោលខៀវ ហឹម សេរី មានអាទិភាព និងធ្វើសកម្មភាពច្រើនជាងបង្គោលក្រហម សុខ រឹទ្ធ។ យ៉ាងណាមិញនៅទឹក ៣ ៤ និងទឹក៥ វិញ បង្គោលក្រហមសុខ រឹទ្ធ ជាអ្នកធ្វើបានល្អ និងវាយចំគោលដៅច្រើនជាង ការពារល្អជាង។

ដូច្នេះសរុបជារួមមក អង្គប្រជុំបានសម្រេចឱ្យបង្គោលក្រហម សុខ រឹទ្ធ ជាអ្នកឈ្នះពិន្ទុលើកីឡាករបង្គោលខៀវ ហឹម សេរី ដោយពិន្ទុ ក្លាយជាម្ចាស់មេដាយមាសកីឡាជាតិលើកទី២។

សូមបញ្ជាក់ថា ការប្រកួតយកមេដាយមាសរវាងអ្នកទាំងពីរនេះ បានធ្វើឱ្យមតិជាច្រើនមិនអស់ចិត្ត ត្បិតពួកគេមើលឃើញថា សុខ រឹទ្ធ ជាអ្នកគួរឈ្នះ ប៉ុន្តែចុងក្រោយបែរជាចាញ់ទៅវិញនាគ្រានោះ។ ខណៈឪពុក សុខ រឹទ្ធ ផ្ទាល់ក៏មិនពេញចិត្ត ហើយបាននិយាយធ្ងន់ៗចំពោះការសម្រេចរបស់អាជ្ញាកណ្ដាលថែមទៀត។ យ៉ាងណាមិញ ដោយសារតែមានការមិនពេញចិត្តច្រើនពេក ទើបបណ្ដាលឱ្យឯកឧត្តម តែម ម៉ឺន ប្រធានសហព័ន្ធកីឡាប្រដាល់ ចេញមុខ និងធ្វើការត្រួតពិនិត្យឡើងវិញ។ ជាលទ្ធផល ដូចបានបញ្ជាក់ខាងលើស្រាប់៕