ទម្លាយរឿងសម្ងាត់ ពីក្រោយការលើកស្លាកយីហោទូរសព្ទតាមហាង
- 2018-06-13 03:22:46
- ចំនួនមតិ 0 | ចំនួនចែករំលែក 0
ទម្លាយរឿងសម្ងាត់ ពីក្រោយការលើកស្លាកយីហោទូរសព្ទតាមហាង
ចន្លោះមិនឃើញ
បើអ្នកជិះកាត់ម្ដុំគិរីរម្យ ផ្សារដេប៉ូ ផ្លូវកម្ពុជាក្រោម ឬតំបន់ប្រជុំជននានាប្រាកដជាឃើញមុខហាងទូរសព្ទ មានយីហោទូរសព្ទផ្សេងៗ។ ជាចម្ងល់ពីមហាជន តើម្ចាស់ហាងទទួលបានប្រយោជន៍អីខ្លះ ក្នុងការលើកស្លាកយីហោម៉ាកទូរសព្ទទាំងនោះ។
អាជីវករលក់ទូរសព្ទមួយចំនួនបានទម្លាយប្រាប់ Sabay ថា មុនពេលឈានដល់ការព្រមលើកស្លាកម៉ាកទូរសព្ទក្រុមហ៊ុនណាមួយ ក្រុមហ៊ុនបានមកចរចាជាមួយម្ចាស់ហាង។
ការចរចាមានលក្ខខណ្ឌខុសៗគ្នា។ ក្រុមហ៊ុននឹងព្រមជួយតុបតែងហាងឲ្យ រួមទាំងឈ្មោះយីហោពីមុខហាង និងទូតាំងទូរសព្ទ។ ហាងនឹងទទួលបានផលិតផលទូរសព្ទក្រុមហ៊ុនបានមុនគេ សម្រាប់លក់ដល់អតិថិជន។ ចំណែកម្ចាស់ហាងមួយចំនួន អាចទទួលបានកម្រៃខ្លះៗផ្តល់ដោយក្រុមហ៊ុន។ នេះអាស្រ័យតាមការចរចា និងហាងដែលមានសក្តានុពល។
ចំណែកការបង់ពន្ធលើការលើកស្លាកយីហោ ហាងខ្លះក្រុមហ៊ុនជាអ្នករ៉ាប់រ៉ងបង់ជំនួស។
ទោះបីជាម្ចាស់ហាងទទួលបានប្រយោជន៍ពីក្រុមហ៊ុនច្រើនក៏ដោយ តែក៏ត្រូវទទួលកុម្ម៉ង់ផលិតផលរបស់ក្រុមហ៊ុនវិញដែរ និងត្រូវជួយផ្សព្វផ្សាយដល់អ្នកប្រើប្រាស់។ នៅពេលហាងជួយលក់ដាច់ច្រើន ក្រុមហ៊ុនអាចផ្តល់ប្រាក់រង្វាន់និងការលើកទឹកចិត្តដទៃទៀត។
ក្រោយពេលចប់កុងត្រាដែលភាគច្រើនមានរយៈពេលពីរឆ្នាំ ម្ចាស់ហាងអាចបន្តកុងត្រា ឬចង់ប្ដូរសហការជាមួយក្រុមហ៊ុនផ្សេងក៏បាន។
ការសហការរវាងក្រុមហ៊ុននិងម្ចាស់ហាង អាចផ្តល់ទំនុកចិត្តដល់អ្នកគាំទ្រនៅពេញរកទិញម៉ាកទូរសព្ទដែលខ្លួនពេញចិត្ត នៅពេលឃើញឡូហ្គោហាងដែលមានការទទួលស្គាល់ពីក្រុមហ៊ុនទាំងនោះ៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
ចុចអានបន្ត៖
ចង់ទិញ iPhone 8 គួរចាំសិន ព្រោះ iPhone 9 ធូរថ្លៃ និងពិសេសដូច iPhone X
មានពិតម៉ូឌែល Find X ពី Oppo ប្រើសុទ្ធតែ RAM 8GB ត្រៀមលេចមុខសប្តាហ៍ក្រោយ