Toyota បណ្ដាក់ទុន ១ ពាន់លានដុល្លារ លើក្រុមហ៊ុន Grab
- 2018-06-13 04:12:11
- ចំនួនមតិ 0 | ចំនួនចែករំលែក 0
Toyota បណ្ដាក់ទុន ១ ពាន់លានដុល្លារ លើក្រុមហ៊ុន Grab
ចន្លោះមិនឃើញ
ក្រុមហ៊ុន Toyota Motor របស់ជប៉ុន នឹងបណ្ដាក់ទុន ១ ពាន់លានដុល្លារលើក្រុមហ៊ុនផ្ដល់សេវាដឹកជញ្ជូន Grab ដែលមានមូលដ្ឋាននៅប្រទេសសិង្ហបុរី។
ការបណ្ដាក់ទុននេះនឹងអាចឲ្យក្រុមហ៊ុនទាំងពីរពង្រីកភាពជាដៃគូរបស់ខ្លួនឲ្យមានទំហំកាន់តែធំ និងរិះរកនូវយុទ្ធសាស្ត្រថ្មីៗសម្រាប់វាយលុកលើទីផ្សារនានា។ Grab បាននិយាយថានេះជាការបណ្ដាក់ទុនធំជាងគេពីក្រុមហ៊ុនរថយន្តមកលើវិស័យដឹកជញ្ជូននេះ ហើយនឹងអនុញ្ញាតឲ្យក្រុមហ៊ុនខ្លួនពង្រីកនូវសេវាកម្មជាច្រើនបន្ថែមទៀត ដូចជាសេវាដឹកជញ្ជូនអាហារ និង ការទូទាត់តាមអេឡិចត្រូនិកជាដើម។
គួរដឹងដែរថាកាលពីចុងខែមីនាកន្លងទៅ Grab បានពង្រីកទីផ្សាររបស់ខ្លួនឲ្យកាន់តែធំមួយកម្រិតទៀត តាមរយៈការទិញយកចំណែកទីផ្សារនៅតំបន់អាស៊ីអាគ្នេយ៍របស់ក្រុមហ៊ុន Uber ដែលជាគូប្រជែង ក្នុងនោះរួមមានប្រទេសកម្ពុជា, ឥណ្ឌូណេស៊ី, ម៉ាឡេស៊ី, មីយ៉ាន់ម៉ា, ហ្វីលីពីន, សិង្ហបុរី, ថៃ និង វៀតណាមផងដែរ៕