រ៉ូលីន ជឿជាក់១០០% តាប៊ុយ គ្មានថ្ងៃយក សុភ័ក្រ្ក កុសុម៉ា

2018-06-14 01:40:58
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីអ្នកគាំទ្រចង់ឲ្យ តាប៊ុយ និង សុភ័ក្រ កុសុម៉ា ក្លាយជាគូស្នេហ៍នឹងគ្នាពិតៗ ស្រាប់តែ រ៉ូលីនជាដៃគូរបស់តាប៊ុយម្នាក់ដែរ ប្រាប់ដោយមានទំនុកចិត្តថា តាប៊ុយគ្មានថ្ងៃយក សុភ័ក្រ្ក កុសុម៉ា ឡើយ។

ឆ្លើយតបនឹងភាពជឿជាក់១០០% នេះ រ៉ូលីនក៏បញ្ជាក់ថា តាមពិតទៅ មិនមែនតែ កុសុម៉ាទេ ដែលតាប៊ុយមិនយក សូម្បីរ៉ូលីនផ្ទាល់ ក៏តាប៊ុយមិនយកដូចគ្នា (សើច)។ “គ្មានថ្ងៃ តាប៊ុយយកសុភ័ក្រ្ក កុសុម៉ាទេ ជឿបងទៅ បងជឿជាក់១០០% "។

រ៉ូលីន ត្រូវគេចាត់ទុកថា ជាអ្នកស្រីទី១ ចំណែក កុសុម៉ាវិញជាអ្នកស្រីទី២របស់តាប៊ុយ ហើយអ្នកគាំទ្ររៀងៗខ្លួន សុទ្ធតែផ្ញើសាគំរាមតាប៊ុយ រហូតពិធីករកូនកាត់ចិនរូបនេះ ឲ្យអ្នកគាំទ្របោះឆ្នោត។ ទោះជាយ៉ាងណា រ៉ូលីន និយាយថា រឿងបោះឆ្នោតនេះ ខ្លួនដឹងតែមិនអាចឈ្នះកុសុម៉ាបានឡើយ ។

រូបភាព៖ FB taboi

នៅពេលសួរថា បើថ្ងៃណាមួយ រឿងរៀបការរបស់តាប៊ុយជាមួយកុសុម៉ាកើតឡើងពិតមែន តើ រ៉ូលីន មានអារម្មណ៍យ៉ាងណា? តារាពហុជំនាញពូកែបង្កើតសំណើចដល់ទស្សនិកជនរូបនេះ ឆ្លើយថា នឹងចងដៃឲ្យច្រើនៗ ហើយបើនិយាយពីអារម្មណ៍វិញគឺធម្មតា គ្មានខឹង ឬ ប្រច័ណ្ឌអីទាំងអស់ មានតែចូលរួមត្រេកអរទៅវិញនោះទេ ព្រោះពីដើមមក ទំនាក់ទំនងរវាងខ្លួន និងតាប៊ុយ គឺស្រលាញ់គ្នាដូចបងប្អូនបង្កើត៕

អត្ថបទ៖ លឹម សុនា