គ្រូបឹងកេត ប្រាប់ចំណុចគ្រោះថ្នាក់របស់វិសាខាមុនប៉ះគ្នាចុងសប្ដាហ៍នេះ

2018-06-15 01:56:06
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ហៅ សុជាតិ គ្រូបង្វឹកបឹងកេតមើលឃើញថា កីឡាករកូរ៉េខាងជើងទាំង ៤ របស់វិសាខាជាកូនសោគ្រោះថ្នាក់មួយសម្រាប់បឹងកេត ក្នុងការប្រកួតលីគកំពូលកម្ពុជាសប្ដាហ៍ទី១០ ថ្ងៃទី១៧ ខែមិថុនា ឆ្នាំ២០១៨ នៅកីឡដ្ឋានវេស្ទើន។

លោក ហៅ សុជាតិ

គ្រូបង្វឹករូបនេះបានឲ្យដឹងថា លោកមិនគិតអ្វីច្រើនឡើយ ត្រឹមតែដឹងថា ត្រូវតែរៀបចំក្រុមឲ្យបានល្អ ដើម្បីត្រៀមលេងជាមួយវិសាខា។ ចំណុចគ្រោះថ្នាក់របស់ដៃគូមួយនេះ ក្រុមរបស់ខ្លួនក៏មិនហ៊ានសន្និដ្ឋានអាចទប់ស្កាត់បានឬយ៉ាងណាដែរ។

លោកអះអាងថា នឹងប្រឹងប្រែងរៀបចំរបៀបលេង ឬការពារឲ្យបានល្អ តាមដែលអាចធ្វើទៅបាន។ យ៉ាងណាការប្រកួតនេះគឺពិតជាសំខាន់សម្រាប់ក្រុមទាំងពីរ ដូច្នេះលោកមិនអាចធ្វេសប្រហែសបានឡើយ។

បឹងកេតមិនទាន់ចាញ់ទេ ក្នុងចំណោម ៩ ប្រកួតកន្លងមកពោលគឺឈ្នះ៧ និងស្មើ២ បច្ចុប្បន្នពួកគេកំពុងស្ថិតនៅកំពូលតារាងលីគកំពូលកម្ពុជា ដោយមាន២៣ ពិន្ទុ ស្របពេលវិសាខាមាន ១៩ ពិន្ទុស្ថិតនៅលេខ ៣ ៕