Steve Trevor នឹងត្រលប់មកវិញក្នុងរឿង "Wonder Woman” វគ្គថ្មី?
- 2018-06-14 03:35:00
- ចំនួនមតិ 0 | ចំនួនចែករំលែក 0
Steve Trevor នឹងត្រលប់មកវិញក្នុងរឿង "Wonder Woman” វគ្គថ្មី?
ចន្លោះមិនឃើញ
មិនដឹងជាមូលហេតុអ្វី ឬក៏អ្វីបានកើតឡើងនៅក្នុងសាច់រឿង "Wonder Woman” វគ្គថ្មីដែលយើងមិនទាន់ដឹង ប៉ុន្តែពេលនេះយើងដឹងច្បាស់ហើយថា តួអង្គ Steve Trevor ដែលជាគូស្នេហ៍របស់ម្ចាស់ក្សត្រីអាម៉ាហ្សូន Diana នឹងត្រលប់មកវិញហើយ។
កាលពីថ្ងៃពុធម្សិលមិញនេះ អ្នកស្រី Patty Jenkins ជាអ្នកដឹកនាំភាពយន្តនេះ បានបង្ហោះរូបថតរបស់ Steve សម្ដែងដោយលោក Chris Pine ដោយបានសរសេរដូច្នេះថា "ស្វាគមន៍មកកាន់ WONDER WOMAN 1984 លោក Steve Trevor! #WW84”។
តារារូបនេះបានបង្ហាញខ្លួនជាមួយ រូបរាងវ័យចំណាស់ ប៉ុន្តែការបង្ហាញរូបថតនេះបានធ្វើឲ្យអ្នកគាំទ្រជាច្រើនងឿងឆ្ងល់ថា ហេតុអ្វីបានជាលោកអាចរស់រានមានជីវិតបន្ទាប់ពី ពលីជីវិតខ្លួនកាលពីវគ្គដំបូង។
ចំពោះពេលនេះ អ្នកដឹកនាំរឿងក៏ដូចជាតួអង្គទាំងអស់មិនបានបង្ហាញអ្វីទាំងអស់ ទាក់ទងនឹងសាច់រឿង ក៏ដូចជាមូលហេតុដែលអាចឲ្យ Steve ត្រលប់មកវិញដូច្នេះ។ ភាពយន្តនេះនឹងចាប់ដាក់បញ្ចាំងនៅខែវិច្ឆិកាឆ្នាំ ២០១៩៕