អ្នកច្នៃម៉ូដម្នាក់ត្រូវគេរិះគន់ ក្រោយនិយាយថា Selena Gomez អាក្រក់
- 2018-06-14 08:40:00
- ចំនួនមតិ 0 | ចំនួនចែករំលែក 0
អ្នកច្នៃម៉ូដម្នាក់ត្រូវគេរិះគន់ ក្រោយនិយាយថា Selena Gomez អាក្រក់
ចន្លោះមិនឃើញ
អ្នកច្នៃម៉ូដមួយរូប តែងតែមានបញ្ហាដោយសារតែនិយាយពាក្យពេចន៍មិនសមរម្យ ពេលនេះបានធ្វើឲ្យគេខឹងគ្រប់គ្នាទៀតហើយ ដោយសារតែថាឲ្យតារាចម្រៀង Selena Gomez។ លោក Stefano Gabbana ជាអ្នកគ្រប់គ្រងមួយរូបប្រចាំក្រុមហ៊ុនហ្វេសិនអ៊ីតាលីដ៏ល្បី Dolce & Gabbana បាននិយាយម៉ាក់ងាយទៅលើតារាចម្រៀងរូបនេះ នៅលើរូបថតមួយសន្លឹកលើបណ្ដាញសង្គម Instagram ធ្វើឲ្យអ្នកគាំទ្រនាងខឹងសម្បារជាខ្លាំង។
អ្នកច្នៃម៉ូដរូបនេះបានសរសេរថា "È proprio brutta” ដែលជាភាសាអង់គ្លេសមានន័យថា "នាងពិតជាអាក្រក់ខ្លាំង"។
គិតត្រឹមពេលនេះ Selena មិនទាន់បានឆ្លើយតបអ្វីនៅឡើយទេ បន្ទាប់ពីរឿងរ៉ាវដែលកើតឡើង ក៏ប៉ុន្តែអ្នកគាំទ្រនាងពិតជាមិនសុខចិត្តនោះទេ។
ពួកគេបានសរសេរឆ្លើយតបវិញថា អ្វីដែលលោក Gabbana បាននិយាយគឺពិតជា គ្មានសុជីវធម៌ និង គ្មានការគោរពអ្វីទាំងអស់។ ព្រមទាំងបញ្ជាក់ទៀតថា ពួកគេនឹងបោះបង់ចោល ផលិតផល Dolce & Gabbana ទៀតផង។
តារាចម្រៀង Julia Michaels បានសរសេរនៅលើ Twitter ថា "Selena Gomez ខ្ញុំគ្រាន់តែចង់ប្រាប់ថា អ្នកគឺជានារីម្នាក់ដែលស្រស់ស្អាតបំផុត ដែលខ្ញុំបានស្គាល់ទាំងខាងក្នុងនិងខាងក្រៅ ខ្ញុំស្រលាញ់អ្នកជានិច្ច។"
ក្រៅពីនេះក៏មានតារាៗផ្សេងទៀត សរសេរពាក្យពេចន៍លើបណ្ដាញសង្គមវាយបកទៅលើលោក Gabbana ទៀតផង។ ដោយសារតែនេះមិនមែនជាលើកទី១ នោះទេ លោក Gabbana បានរិះគន់តារាល្បីៗជាច្រើនដូចជា Kate Moss និង Victoria Beckham ជាដើម៕