Ronaldo ជួយជម្រើសមែន តែបញ្ហាពន្ធទោសទាន់ក៏មកដល់ដូចគ្នា

2018-06-16 02:37:43
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករបាល់ទាត់ Cristiano Ronaldo ត្រូវបានគេរាយការណ៍ថា យល់ព្រមទទួលការពិន័យក្នុងទំហំទឹកប្រាក់១៨,៨លានអឺរ៉ូ និងព្យួរនៅក្រៅឃុំ សម្រាប់ករណីគេចវេសពន្ធនៅប្រទេសអេស្ប៉ាញ។

កីឡាកររបស់ Real Madrid និងជម្រើសជាតិព័រទុយហ្គាល់វ័យ៣៣ ត្រូវបានចោទប្រកាន់កាលពីឆ្នាំមុន រឿងបន្លំពន្ធអាជ្ញាធរអេស្ប៉ាញនៃទឹកប្រាក់១៤,៨លានអឺរ៉ូ។ បើតាមសារព័ត៌មាន El Mundo ចុះថា Ronaldo បានដាក់សំណើទឹកប្រាក់១២,៩លានផោន ក្នុងខែ មិថុនា ឆ្នាំ ២០១៧ តែអាជ្ញាធរបានបដិសេធសំណើនេះ។

យ៉ាងណាក្ដី ទល់នឹងពេលនេះ Ronaldo បានយល់ព្រមទទួលកំហុស ដោយផ្ដល់ប្រាក់ពិន័យទៅ អាជ្ញាធរហើយ។ តាមពិតទៅកីឡាករដែលទើបតែជួយព័រទុយហ្គាល់ ស្មើអេស្ប៉ាញ ៣-៣ ត្រូវកាត់ឲ្យជាប់ពន្ធនាគារ២ឆ្នាំឯណោះលើការពិន័យទឺកប្រាក់ តែក្រោមច្បាប់នៃប្រទេសអេស្ប៉ាញ ការកាត់ទោសជាប់ពន្ធនាគាររយៈពេលពីរឆ្នាំសម្រាប់បទល្មើសទីមួយ អាចព្យួរឲ្យនៅក្រៅឃុំបាន៕

ប្រភព៖ BBC ប្រែសម្រួល៖ ហេង សុធារិទ្ធិ