មកស្គាល់ពន្លកថ្មី K-Pop កើតឆ្នាំ ២០០៣ សុទ្ធតែខ្លឹមៗខ្លាំងមិនធម្មតា

2018-06-16 07:41:20
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាវ័យក្មេងដែលឈានជើងចូលប្រឡូកក្នុងពិភព K-Pop ពេលនេះបានធំពេញរូបពេញរាងគួរជាទីប្រាថ្នារបស់បុរសៗ និងពេញដោយសមត្ថភាពសិល្បៈ ក្រោយពួកគេបានហ្វឹកហាត់ក្នុងផលិតកម្មធំៗនាពេលកន្លងមក។

យុវតីទាំងនេះសុទ្ធសឹងកើតក្នុងឆ្នាំ ២០០៣ ហើយមកទល់ពេលនេះពួកគេមានអាយុ ១៥ឆ្នាំហើយ។ដូចនេះចង់ដឹងថា សព្វថ្ងៃនាងតូចទាំងនោះ ពេញក្រមុំស្រស់ស្អាតកម្រិតណា ទស្សនាដូចតទៅ៖

១. Jisoo

នាងបានចូលជាសមាជិកក្នុងក្រុម Buster កាលពីខែវិច្ឆិកា ឆ្នាំ ២០១៧។ ទោះបីត្រឹមអាយុ ១៥ឆ្នាំ ប៉ុន្តែ Jisoo មើលទៅចាស់ទុំណាស់ រហូតអ្នកគាំទ្រមួយចំនួនច្រឡំស្មានថានាងមានអាយុ ២០ឆ្នាំទៅទៀត។

ជាមួយកម្ពស់ ១៧១សង់ទីម៉ែត្រ Jisoo ពិតជាមានជើងវែង ជារឿងអំណោយផលឲ្យនាងកាន់តែបង្ហាញក្បាច់រាំកាន់តែល្អ។

២. Lami

ក្មេងស្រីរូបនេះគឺជាតារាថ្មីរបស់ផលិតកម្ម SM ដែលត្រូវបានលោក Lee Soo Man មើល ឃើញកាលពីឆ្នាំ ២០១៣។ បច្ចុប្បន្ននាងកំពុងហ្វឹកហាត់ក្រោមដំបូល SM ហើយក៏ ធ្លាប់បង្ហា្ខ្លួនក្នុងកម្មវិធី "Mickey Mouse Club” របស់ទូរទស្សន៍ Disney Channel។ ទេពកោសល្យរបស់ Lami គឺរាំ និងសម្ដែង។

៣. Yuna

Shim Yuna គឺជាតារាថ្មីដែលល្បីជាងគេរបស់ផលិតកម្ម JYP ដែលកំពុងទទួលបានការគាំទ្រ នៅពេលនាងបង្ហាញខ្លួនក្នុងកម្មវិធី “Stray Kids”។ ពេលនោះនាងជាសមាជិកម្នាក់ក្នុងក្រុមនារីទី២។ ក្រៅពីនេះ នាងក៏បង្ហាញខ្លួនក្នុងវីដេអូបទចម្រៀងរបស់ BTS មានចំណងជើងថា "Love Yourself”ដែរ។

៤. Jiheon

Baek Jiheon បានបង្ហាញខ្លួនក្នុងកម្មវិធី "Idol School” និងទទួលបានការចាប់អារម្មណ៍ជាខ្លាំង ក្នុងប្រទេសកូរ៉េ។ ក្រៅពីមានរូបសម្ផស្សស្រស់ស្អាហើយ សមាជិកថ្មីរបស់ក្រុម Fromis_9 រូបនេះក៏មានទេពកោសល្យខាងរាំ និងច្រៀងដែរ។

៥. Minseo

តារាថ្មីរបស់ផលិតកម្ម Loen និង Faveរូបនេះគឺជាបេក្ខភាពអាយុក្មេងជាងគេ របស់កម្មវិធី Mixnine នៃទូរទស្សន៍ JTBC។ Minseo គឺជាតារាវ័យក្មេង និងតារាម៉ូដែល ដែលធ្លាប់បង្ហាញខ្លួនក្នុងកម្មវិធីរបស់ Disney Channel ទៀត។

៦. Lee Yoonseo

នាងគឺជាពន្លកថ្មីរបស់ផលិតកម្ម Cube ដែល ឈ្នះចិត្តមហាជនជាច្រើន ពេលចូលរួមក្នុងកម្មវិធី Produc e 101 របស់ប៉ុស្តិ៍ Mnet កាលពីឆ្នាំ ២០១៧។

៧. Kim Minjung

Minjung គឺជាបេក្ខភាពក្នុងកម្មវិធី Produce 101 ឆ្នាំ ២០១៦។ នាងកាន់តែលេចធ្លោខ្លាំងពេលបង្ហាញសមត្ថភាពខាងផ្នែក Hip-Hop កាលពីពេលនោះ។ ព័ត៌មានមួយចំនួនបានបង្ហើបថា Minjung មានគម្រោងចូលផលិតកម្ម Starship ក្នុងពេលឆាប់ៗ៕