មុខងារសម្ងាត់ ១០ លើ iOS 12 ដែល Apple មិនបានប្រកាសលើឆាក WWDC

2018-06-17 02:23:15
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple បានចំណាយពេលវេលា កម្លាំងកាយចិត្តជាច្រើន នាំមុខងារថ្មីៗមកកាន់ iPhone និង iPad កាលនៅព្រឹត្តិការណ៍ WWDC។ តែពេលវេលាមិនអំណោយផល មិនអាចបង្ហាញរាល់មុខងារបាននោះទេ។

ដោយសារ iOS 12 នៅជំនាន់ Beta នៅឡើយ ដូច្នេះអាចផ្លាស់ប្ដូរ ឬលុបចេញ ពេលចេញជាផ្លូវការ។

១) ព័ត៌មានលម្អិតបន្ថែមពីថាមពលថ្ម

ចំពោះកម្មវិធីណាមួយដែលស៊ីថាមពលថ្មជាងគេ លើ Device គ្រប់គ្នាសុទ្ធតែចង់ដឹង។

បើកកម្មវិធី Settings > ជ្រើសរើស Battery នឹងឃើញមានព័ត៌មានលម្អិត ចំពោះការចំណាយថាមពលថ្ម។

២) បង្ហាញរូបរាងថ្មីក្នុង Face ID

អ្នកប្រើ iPhone X ដែលមានបញ្ហាប្រើ Face ID ពេលពាក់មួក វ៉ែនតា ឬការផ្លាស់ប្ដូរមុខមាត់ អាច Register រូបរាងទីពីរបាន។

ចូលទៅកាន់ Settings > Face ID & Passcode > Alternate appearance។

មុខងារនេះ Register មុខមនុស្សទីពីរ ឲ្យអាចប្រើ iPhone X បាន។ តែគួរដឹង បើចង់លុបរូបរាងទីពីរចេញ ត្រូវការ Reset Face ID។

៣) Do Not Disturb

ជំនួសឲ្យការបើក ឬបិទមុខងារ Do Not Disturb ដោយខ្លួនឯង ពេលនេះអាចកំណត់ឲ្យមុខងារនេះ បិទស្វ័យប្រវត្តិក្រោយរយៈពេលមួយ។

បើកចូល Control Center > ចុចសង្កត់ឲ្យជាប់លើ icon Do Not Disturb ដើម្បីឃើញជម្រើស Do Not Disturb ថ្មី។

៤) បិទកម្មវិធី

ពេលបើកឃើញបណ្ដុំកម្មវិធីនានាទើបបានបើក (Multitasking) អាចចុចអូសផ្ទាំងកម្មវិធីណាមួយឡើងលើ ដើម្បីបិទ។

៥) អាប់ដេតប្រព័ន្ធប្រតិបត្តិការស្វ័យប្រវត្តិ

ប្រព័ន្ធថ្មី នឹងអាចដំឡើងកំណែទម្រង់ iOS លើ Device ដោយស្វ័យប្រវត្តិ ដោយមិនចាប់បាច់ចូលទៅចុចខ្លួនឯង។

ចូលទៅកាន់ Settings > General > Software Updates > Automatic updates។

៦) Gesture

ចំពោះ iPhone X ការចូលប្រើ Control Center ត្រូវចុចអូសចុះក្រោម ពីជ្រុងផ្នែកលើខាងស្ដាំអេក្រង់។ វិធីនេះ អាចចូលប្រើ Control Center លើ iPad បាន។

៧) Autofill

ពេលប្រើមុខងារសុវត្ថិភាព Two-factor authentication នឹងឃើញមានកូដបញ្ជូនមកតាម SMS ដែលត្រូវ Copy និង Paste ឬ ចងចាំវាយបញ្ចូលប្រអប់តម្រូវ។

ពេលនេះ Shortcut មួយនឹងបង្ហាញនៅផ្នែកខាងលើ Keyboard ពេល Device ទទួលបានលេខកូដ។ ចុចលើ Shortcut ហើយ Keyboard នឹងបំពេញលេខកូដឲ្យ។

៨) ស្កេន QR Code ក្នុង Control Center

Apple បានបន្ថែម QR Code scanner ទៅកាន់កម្មវិធីកាមេរ៉ា ក្នុង iOS 11 ហើយ iOS 12 មាន Shortcut ផ្ទាល់ខ្លួនក្នុង Control Center។

តែត្រូវការបន្ថែម Shortcut ដោយចូល Settings > Control Center > Customize Controls ហើយចុចប៊ូតុងពណ៌បៃតងក្បែរនឹង Scan QR Code។

៩) បិទប្រើ USB

Apple បានបន្ថែមមុខងារមួយ អាចបិទរន្ធ Lightning លើ iOS device បើមិនបាន Unlock។

ចូលទៅកាន់ Settings > Face ID & Passcode រួចអូសចុះក្រោម ចុចប៊ូតុងបើកដំណើរការ ក្បែរនឹង USB Accessories។

១០) Camera tool ថ្មីលើ Messages

កម្មវិធី Messages មាន Camera tool ថ្មី សម្រាប់រូបភាព ឬវីដេអូបានថត ក្នុងកម្មវិធី។

បើកកម្មវិធីកាមេរ៉ា ក្នុង Messages > ចុចលើ icon សញ្ញាផ្កាយ នៅជ្រុងក្រោមផ្នែកខាងឆ្វេង៕

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានអត្ថបទ

ប្រភព៖ Cnet ប្រែសម្រួល៖ ប៊ុនធឿន

ពាក្យទាក់ទង

Apple ចំណេះដឹងបច្ចេកវិទ្យា iOS

អត្ថបទពេញនិយម

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

ដឹងការពិត! មនុស្សដំបូងលើករឿង NewJeans ត្រូវគេ Copy Style មិនមែន Min Hee Jin ទេ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

អត្ថបទថ្មី

Xavi នឹងបន្តដឹកនាំក្លឹប Barca ១រដូវកាលទៀត

រកឃើញចម្លាក់សត្វអណ្តើក ពេលធ្វើកំណាយស្រះទឹក នៅប្រាសាទបាយ័ន

ពូឃ្លាំង តារាចាស់វស្សាកំពូលកូរ ចូលទៅកូរដល់ក្នុងឡានអ្នកឈ្នះរបស់គ្រុឌ

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ

ចៃដន្យមែន! តារាចម្រៀង ២ រូប ដឹកដៃគូស្នេហ៍ចូលរោងការថ្ងៃនេះដូចគ្នា