អ្នកចាំទី អ៊ីស្លង់ ប្រាប់ក្បួន ដើម្បីចាប់បាល់ប៉េណាល់ទី Messi បាន

2018-06-17 01:36:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ជម្រើសជាតិអាហ្សង់ទីន បានត្រឹមស្មើជាមួយអ៊ីស្លង់ ១-១ ប៉ុណ្ណោះ ក្នុងការប្រកួតបើកឆាកក្នុងពូលកាលពីយប់មិញនេះ។

ខ្សែប្រយុទ្ធ Sergio Aguero ជាអ្នករកគ្រាប់បាល់ឱ្យក្រុមអាហ្សង់ទីនមុននាំមុខ ប៉ុន្តែមិនយូរប៉ុន្មានផងកីឡាករ Alfre Finnbogason រកគ្រាប់បាល់ឱ្យអ៊ីស្លង់តាមបានស្មើវិញ។ ចូលដល់តង់ទី២ អាហ្សង់ទីនមានឱកាសនាំមុខជាថ្មីហើយ ដោយបាល់ប៉េណាល់ទី ប៉ុន្តែបែរជា Messi ធ្វើមិនបានសម្រេចទៅវិញ ដោយសារអ្នកចាំទីសង្គ្រោះបាន។

Halldorsson អ្នកចាំទីរបស់អ៊ីស្លង់បាននិយាយថា៖ “ខ្ញុំបានមើលវីដេអូជាច្រើនរបស់ Messi ដូចជាបាល់ប៉េណាល់ទីជាដើម ព្រោះខ្ញុំដឹងថាវានឹងកើតឡើងក្នុងការប្រកួតនេះ។ ខ្ញុំព្យាយាមស្វែងយល់ពីគាត់ មើលវីដេអូគាត់ដដែលៗច្រើនដង ហើយចុងក្រោយខ្ញុំពិតជាបានសង្គ្រោះបាល់ពីជើងគាត់មែន។ ១ពិន្ទុយប់មិញដែលយកបានពីអាហ្សង់ទីន គឺពិតជាសំខាន់ណាស់សម្រាប់ក្រុម”។

អ៊ីស្លង់បាន១ពិន្ទុយប់មិញ ត្រូវប្រកួតបន្ដជាមួយក្រុមនីហ្សេរីយ៉ា ដែលទើបតែចាញ់ក្រូអាតក្នុងលទ្ធផល ២-០ កាលពីយប់មិញដែរ។ ការប្រកួតនេះ នឹងធ្វើឡើងនៅសប្ដាហ៍ក្រោយឯណោះ៕

ប្រភព៖ Marca ប្រែសម្រួល៖ មុន្នីរម្យ