Messi និយាយថា ឈឺចាប់ ដែលស៊ុតប៉េណាល់ទីមិនចូល
- 2018-06-17 02:25:51
- ចំនួនមតិ 0 | ចំនួនចែករំលែក 0
Messi និយាយថា ឈឺចាប់ ដែលស៊ុតប៉េណាល់ទីមិនចូល
ចន្លោះមិនឃើញ
"ឈឺចាប់” ជាពាក្យខ្លីមួយដែលខ្សែប្រយុទ្ធ Lionel Messi និយាយ ក្រោយពីប៉េណាល់ទីមិនចូលរបស់កាលពីយប់មិញនេះ ធ្វើឱ្យក្រុមបានត្រឹម១ពិន្ទុពីអ៊ីស្លង់។
Messi មានឱកាសស្វែងរកគ្រាប់បាល់បានទៅហើយ ដោយការទាត់បាល់ប៉េណាល់ទី ប៉ុន្តែត្រូវអ្នកចាំទី Halldorsson ក្រុមអ៊ីស្លង់ជួយសង្គ្រោះបាល់នោះបាន។ ក្រោយពីមិនអាចរកគ្រាប់បាល់បាន និងក្រុមបានត្រឹមស្មើគ្នាទៀតនោះ ខ្សែប្រយុទ្ធឆ្នើមរបស់អាហ្សង់ទីន បាននិយាយថា៖ “ជាទូទៅ វាតែងតែធ្វើឱ្យខ្ញុំឈឺចាប់ ក្នុងការដែលទាត់ប៉េណាល់ទីមិនចូល។ យើងបានបាត់បង់៣ពិន្ទុ ដែលជាពិន្ទុយើងគួរតែបានក្នុងការប្រកួតបើកឆាកនេះ។ បច្ចុប្បន្នយើងកំពុងគិតដល់ការប្រកួតជាមួយក្រូអាតបន្ដទៀត។ យើងនឹងប្រឹងប្រែងបំភ្លេចរឿងឈឺចាប់នោះឱ្យបានលឿនបំផុត”។
ចំពោះទម្រង់លេងរបស់អ៊ីស្លង់វិញ Messi បាននិយាយដែរថាពួកគេដូចជាមិនចង់លេងបាល់ទាល់តែសោះ ពោលគឺបិទរហូត។ ដោយការលេងបែបនេះ ធ្វើឱ្យការប្រកួតមើលទៅលេងតែម្ខាងប៉ុណ្ណោះ។ ដូចដែលស្ថិតិបានបង្ហាញ ក្រុមអាហ្សង់ទីន លេងសឹងតែពាក់កណ្ដាលតារាងទៅហើយ។
សូមបញ្ជាក់ថា Lionel Messi មានកំណត់ត្រាទាត់បាល់ប៉េណាល់ទីមិនល្អសោះ ពោលគឺ៧គ្រាប់កន្លងមក រូបគេទាត់មិនចូលដល់ទៅ៤គ្រាប់ទៅហើយ គិតទាំងក្រុមជ្រើសជាតិនិងក្លឹបអាជីព៕