Neymar រំពឹងថា World Cup ឆ្នាំនេះ មិនដេកពេទ្យដូចឆ្នាំមុន
- 2018-06-17 05:27:35
- ចំនួនមតិ 0 | ចំនួនចែករំលែក 0
Neymar រំពឹងថា World Cup ឆ្នាំនេះ មិនដេកពេទ្យដូចឆ្នាំមុន
ចន្លោះមិនឃើញ
ខ្សែប្រយុទ្ធ Neymar រំពឹងថាបានបង្ហាញខ្លួននៅ World Cup នារាត្រីនេះ ដើម្បីជួយជម្រើសជាតិប្រេស៊ីលលេងទល់ក្រុមស្វីស វេលាម៉ោង១រំលងអាធ្រាត្រ។
កីឡាករពាក់អាវលេខ១០រូបនេះ ជាកីឡាករសំខាន់ខ្លាំងសម្រាប់ក្រុមប្រេស៊ីលដូចកាលឆ្នាំ២០១៤អីចឹងដែរ។ ខ្សែប្រយុទ្ធលេងនៅក្លឹប PSG រំពឹងគ្រាដែលរបួសកាលពី World Cup លើកមុននោះថា ខ្លួនសឹងតែបញ្ចប់អាជីពត្រឹមពេលនោះហើយ។ ទាំងគ្រួសារ សមាជិកក្រុម និងអ្នកគាំទ្រសុទ្ធតែគិតដូច្នេះ ព្រោះរបួសគ្រានោះពិតជាធ្ងន់ធ្ងរខ្លាំងមែនទែន។ អវត្តមានរបស់រូបគេនោះហើយ បានធ្វើឱ្យប្រេស៊ីលបរាជ័យធំបំផុត ៧-១ ក្រោមថ្វីជើងរបស់អាល្លឺម៉ង់។
សម្រាប់ឆ្នាំនេះវិញ Neymar បាននិយាយដូច្នេះថាខ្លួនរំពឹងខ្ពស់ គេចឆ្ងាយពីបញ្ហារបួស និងមិនឱ្យមានប្រវត្តិសាស្ត្រដដែលនោះទេ។ ត្បិតអីបច្ចុប្បន្នមិនទាន់ជាសះស្បើយពេញ១០០%ក្ដី ប៉ុន្តែរូបគេចង់បង្ហាញខ្លួនឱ្យបានគ្រប់ប្រកួត ដើម្បីជួយជម្រើសជាតិប្រេស៊ីល ដណ្ដើមពានរង្វាន់ FIFA World Cup 2018 នេះ៕