ដឹងទេ ពានរង្វាន់ពិភពលោក FIFA World Cup ២០១៨ មានតម្លៃប៉ុន្មាន?

2018-06-18 06:58:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍បាល់ទាត់ពិភពលោក FIFA World Cup ឆ្នាំ ២០១៨ កំពុងធ្វើឡើងនៅក្នុងប្រទេសរុស្សី ដែលមាន ៣២ ក្រុម ចូលរួមប្រកួតដណ្ដើមជយលាភី។ ពានពិភពលោកមួយនេះ ត្រូវបានបង្កើតឡើងជាពិសេស ដោយសិល្បករជនជាតិអ៊ីតាលីម្នាក់គឺ លោក Silvio Gazzaniga។

ពានពិភពលោកមួយនេះ ដែលមានតម្លៃប្រមាណ ២០ លានដុល្លារ។ ការរចនាធ្វើគំរូដំបូងដោយលោក Gazzaniga ធ្វើឡើងក្នុងឆ្នាំ ១៩៧៤ ផ្ដល់ជូនក្រុមទទួលបានជយលាភីរៀងរាល់ ៤ ឆ្នាំម្ដង។

ពាននេះមានកម្ពស់ ១៤.៥ អ៊ីង ប្រើមាស ១៨ ការ៉ាត់ ទម្ងន់ ១៣.៥ ផោន ហើយមានអត្តពលិកពីររូបតំណាងត្រដាងដៃពីរឡើងលើ ទ្រពិភពលោក។

ពេលបញ្ចប់ការប្រកួត World Cup ពាននឹងប្រគល់ជូនក្រុមដែលឈ្នះ និងមានឈ្មោះប្រទេសនៅពីក្រោមពានផងដែរ។

បច្ចុប្បន្នប្រទេសប្រេស៊ីល ជាក្រុមធ្លាប់ទទួលជ័យជម្នះច្រើនជាងគេ គ្រងតំណែងដល់ទៅ ៥ ដង ខណៈ ប្រទេសអ៊ីតាលី និងអាល្លឺម៉ង់ មានឈ្មោះទទួលជ័យជំនះបាន ៤ ដង នៅតាមពីក្រោយ៕