ចន ច័ន្ទលក្ខិណា ស្មានមិនដល់ ហេង ឡុង ធ្វើរឿង១នេះដាក់ខ្លួន មុនថ្ងៃកំណត់

2018-06-18 08:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកនាង ចន ច័ន្ទលក្ខិណា មានការភ្ញាក់ផ្អើលយ៉ាងខ្លាំងក្រោយពីឃើញលោក ហេង ឡុង ត្រូវជាអនាគតស្វាមីបានទៅ Surprise ខួបកំណើតខ្លួនដល់ភោជនីយដ្ឋាន ស្លឹកឈូក មុនថ្ងៃពិតប្រាកដឈានចូលមកដល់កាលពីពេលថ្មីៗនេះ។

ជាមួយអារម្មណ៍ភ្ញាក់ផ្អើល ចន ច័ន្ទលក្ខិណា ថា ខ្លួនអត់បានដឹងមុនថាលោក ហេង ឡុង មក Surprise ខួបកំណើតបែបនេះទេ ព្រោះថ្ងៃខួបកំណើតពិតប្រាកដរបស់នាង គឺនៅថ្ងៃទី ២០ ខែមិថុនា ឯណោះ។ ដូច្នេះហើយទើបធ្វើឲ្យប្រធានសមាគមសិល្បករខ្មែរ រូបនេះរំភើបដល់ថ្នាក់និយាយពុំរួច។

“និយាយទៅតាំងពីខ្ញុំ ស្គាល់បង ឡុង មកគាត់តែងតែ Surprise ខួបកំណើតខ្ញុំមុនថ្ងៃពិតប្រាកដមកដល់រហូត។ ដូចថ្ងៃនេះអ៊ីចឹង ខ្ញុំអត់ដឹង ហើយអត់បានត្រៀមខ្លួនថាគាត់មក Surprise ខួបកំណើតខ្ញុំនោះទេ"។ អ្នកនាង ចន ច័ន្ទលក្ខិណា រៀបរាប់។

ចំណែកឯលោក ហេង ឡុង វិញបានផ្ដល់ស្នាមថើបឲ្យអនាគតប្រពន្ធមួយខ្សឺតក្នុងថ្ងៃពិសេសនេះ ជាមួយអារម្មណ៍សប្បាយរីករាយដែលបានសម្រេចក្ដីបំណងរបស់ខ្លួន ក្នុងការ Surprise ខួបកំណើត៕