រកឃើញកីឡាករដំបូងគេ ដែលរងគ្រោះគេធ្វើស៊ីច្រើនជាងគេក្នុងមួយប្រកួត គិតពី World Cup ១៩៩៨ មក
- 2018-06-18 11:41:44
- ចំនួនមតិ 0 | ចំនួនចែករំលែក 0
រកឃើញកីឡាករដំបូងគេ ដែលរងគ្រោះគេធ្វើស៊ីច្រើនជាងគេក្នុងមួយប្រកួត គិតពី World Cup ១៩៩៨ មក
ចន្លោះមិនឃើញ
បើតាមទិន្នន័យរបស់ OptaJohan ខ្សែប្រយុទ្ធ Neymar គឺជាកីឡាករដំបូងគេគិតចាប់ពី World Cup ១៩៩៨ មក ដែលត្រូវបានកីឡាករក្រុមម្ខាងទៀតបង្កកំហុសច្រើនបំផុតបំផុតទៅលើក្នុងមួយប្រកួត។
ក្នុងការប្រកួតពូល E កាលពីពេលរំលងអាធ្រាត្រថ្ងៃម្សិលមិញ ក្រុមជម្រើសជាតិប្រេស៊ីល បានស្មើជាមួយស្វីសក្នុងលទ្ធផល ១ ទល់នឹង ១។ ទោះជាយ៉ាងណា ក្នុងអំឡុងប្រកួត Neymar ត្រូវបានគេសង្កេតថា ត្រូវបានក្រុមកីឡាករស្វីស បានទាញ រុញ និងធ្វើឲ្យដួលជាច្រើនលើកជាច្រើនសា។ បើតាមទិន្នន័យរបស់ OptaJohan ខ្សែប្រយុទ្ធប្រេស៊ីលត្រូវបានកីឡាករស្វីសបង្កកំហុសទៅលើដល់ទៅ ១០ ដង។ តួលេខនេះធ្វើឲ្យ Neymar គឺជាកីឡាករដំបូងបំផុតគិតតាំងពី World Cup ១៩៩៨ មក ដែលរងគ្រោះជាងគេក្នុងមួយប្រកួត ដោយការប្រព្រឹត្តិកំហុសពីសំណាក់ក្រុមគូប្រកួត។
កីឡាករចុងក្រោយ ដែលមានស្ថិតិច្រើនជាង Neymar គឺអតីតខ្សែប្រយុទ្ធ Alan Shearer របស់អង់គ្លេស ពេលប៉ះជាមួយជម្រើសជាតិទុយណេស៊ីក្នុង World Cup ១៩៩៨ នៅបារាំង។ កាលនោះ អតីតកីឡាករត្រូវបានក្រុមកីឡាករទុយណេស៊ីបង្កកំហុសទៅលើដល់ទៅ ១១ លើក។
ជាមួយនឹងស្ថានភាពបែបនេះ ក្នុងថ្ងៃនេះដែរ Neymar បានអំពាវនាវឲ្យលោកអាជ្ញាកណ្ដាលអាជីពទាំង ៤ ដែលប្រចាំការក្នុងការប្រកួត World Cup “បំពេញការងាររបស់ខ្លួនឲ្យបានត្រឹមត្រូវ"។
ខ្សែប្រយុទ្ធ ២៦ ឆ្នាំយល់ថា ប្រេស៊ីល"មិនសម"នឹងទទួលលទ្ធផលស្មើឡើយ ហើយបានលើកឡើងថា គ្រាប់បាល់របស់កីឡាករ Steven Zuber ពីសំណាក់ក្រុមស្វីសដែលតាមស្មើ មិនគួរយកជាបានការឡើយ ព្រោះវាកើតចេញពី "ការបង្កកំហុស" ដោយ Zuber បានរុញកីឡាករប្រេស៊ីល Miranda មុនតែតបញ្ចូលទី។
Neymar ក៏បានសារភាពដែរថា ខ្លួនមានការឈឺចាប់រាងកាយច្រើនក្នុងអំឡុងប្រកួត ប៉ុន្តែបានគូសបញ្ជាក់ថា ស្ថានភាពកាយសម្បទាខ្លួននាពេលបច្ចុប្បន្ន "មិនអី"នោះទេ៕