កីឡាករល្បីអង់គ្លេសម្នាក់ស្នើឲ្យជម្រើសជាតិលេងឲ្យ "សាហាវ" ពេលប៉ះទុយណេស៊ីយប់នេះ
- 2018-06-18 12:19:13
- ចំនួនមតិ 0 | ចំនួនចែករំលែក 0
កីឡាករល្បីអង់គ្លេសម្នាក់ស្នើឲ្យជម្រើសជាតិលេងឲ្យ "សាហាវ" ពេលប៉ះទុយណេស៊ីយប់នេះ
ចន្លោះមិនឃើញ
ខ្សែបម្រើប្រយុទ្ធ Dele Alli បានអំពាវនាវឲ្យក្រុមជម្រើសជាតិអង់គ្លេសលេងឲ្យ "សាហាវ" ក្នុងប្រកួតប៉ះក្រុមជម្រើសទុយណេស៊ីនៅវេលារំលងអាធ្រាត្រយប់នេះ។
កីឡាករបាននិយាយថា៖ "យើងត្រូវបានតែលេងឲ្យលេងឲ្យសាហាវ។ កម្មវិធីនេះ គឺជាការប្រកួតបាល់ទាត់អន្តរជាតិ។ វាមិនសូវមានឱកាសច្រើនប៉ុន្មានទេ ដែលយើងអាចទៅដល់មុខទីរបស់គេ។ ដូច្នេះបើសិនជាយើងអាចសម្រុកដល់ទីនោះ យើងត្រូវតែមានភាពសាហាវ ហើយស៊ុតបញ្ចូលទីឲ្យបានសម្រេច"។
យ៉ាងនេះក្ដី ខ្សែបម្រើប្រយុទ្ធ Tottenham Hotspur រូបនេះ បានបន្ត៖ "ពួកយើងត្រូវតែមានភាពអត់ធ្មត់ផងដែរ។ ទុយណេស៊ីការពារល្អណាស់។ ពេលដែលយើងមានសាច់បាល់លេង យើងត្រូវគ្រប់គ្រងឲ្យបានល្អ។ យើងត្រូវតែលេងដោយមានស្មារតីក្រុមជាធំ"។
គិតពីឆ្នាំ ២០០៦ មក អង់គ្លេសមិនដែលលេងឈ្នះវគ្គជម្រុះក្នុងកម្មវិធី World Cupឡើយ។ កាលពី World Cupឆ្នាំ ២០១៤ ក្រុមជម្រើសជាតិត្រូវបានធ្លាក់តាំងពីវគ្គ Group Stage។
កាលពី Euro ២០១៦ ក្រុមមួយនេះត្រូវបានទម្លាក់ដោយក្រុមជម្រើសជាតិអ៊ីស្លង់ក្នុងវគ្គ ១៦ ក្រុមចុងក្រោយ បន្ទាប់ពីចាញ់ក្នុងលទ្ធផល ២ ទល់នឹង ១។
សូមបញ្ជាក់ផងដែរថា អង់គ្លេសនឹងត្រូវលេងប្រកួត World Cupប៉ះជាមួយទុយណេស៊ីនាវេលាម៉ោង ១ រំលងអាធ្រាត្រយប់នេះ នៅកីឡដ្ឋាន Volgograd Arena៕