គ្រាប់បាល់ Lozano ស៊ុតចូលអាល្លឺម៉ង់ធ្វើឲ្យមានការរញ្ជួយដីតូចមួយនៅម៉ិកស៊ីកូ
- 2018-06-19 07:15:34
- ចំនួនមតិ 0 | ចំនួនចែករំលែក 0
គ្រាប់បាល់ Lozano ស៊ុតចូលអាល្លឺម៉ង់ធ្វើឲ្យមានការរញ្ជួយដីតូចមួយនៅម៉ិកស៊ីកូ
ចន្លោះមិនឃើញ
ឧបករណ៍ចាប់យកការរញ្ជួយដីក្នុងប្រទេសម៉ិកស៊ីកូបានផ្ដល់សញ្ញា ដោយសារតែអ្នកគាំទ្របាននាំគ្នាលោតអបអរ ក្រោយម៉ិកស៊ីកូបានយកឈ្នះម្ចាស់ការពារជើងឯកអាល្លឺម៉ង់ ក្នុងថ្ងៃប្រកួតដំបូងនាព្រឹត្តិការណ៍ World Cup ១ទល់នឹង០។
ក្រុមអ្នកគាំទ្រជាច្រើនបាននាំគ្នាប្រមូលផ្ដុំនៅឯវិមានឯករាជ្យក្នុងប្រទេសម៉ិកស៊ីកូ ដោយគ្រវីទល់ជាតិ អមដោយការរាំយ៉ាងសប្បាយរីករាយ។ តាមរយៈគ្រាប់បាល់របស់ Hirving Lozano ក្នុងនាទី៣៥ វិទ្យាស្ថានស៊ើបអង្កេតភូមិសាស្ត្រនិងបរិយាកាសបាននិយាយថា មានការរញ្ជួយដីតូចមួយបានកើតឡើងនៅតំបន់២ក្នុងរដ្ឋធានីម៉ិកស៊ិក។ ដែលនេះគេឲ្យឈ្មោះថា ជាការរញ្ជួយដីសិប្បនិមិត្ត។
អ្នកគាំទ្រម៉ិកស៊ីកូម្នាក់ដែលចូលរួមទស្សនាការប្រកួតនៅកន្លែងខាងលើជាមួយកូននិងប្រពន្ធបានរៀបរាប់ថា គេពិតជាសប្បាយក្រៃលែង ហើយដោយសារចំថ្ងៃទិវាឪពុកទៀត វាជាកាដូ២ដែលគេទទួលបាន ព្រោះបានអបអរជាមួយកូនប្រុស។ ប្រកួតបន្ទាប់ ម៉ិកស៊ីកូត្រូវជួបកូរ៉េខាងត្បូងដែលទើបចាញ់ស៊ុយអែតកាលពីម្សិលមិញ៕