បង្ហាញព្រះភ័ក្រ្ដ ព្រះបុត្រាពៅ សម្ដេចក្រុមព្រះនរោត្ដម រណឬទ្ធិ ថ្ងៃដែលមាតាឃ្លាតជារៀងរហូត
- 2018-06-20 01:46:44
- ចំនួនមតិ 0 | ចំនួនចែករំលែក 0
បង្ហាញព្រះភ័ក្រ្ដ ព្រះបុត្រាពៅ សម្ដេចក្រុមព្រះនរោត្ដម រណឬទ្ធិ ថ្ងៃដែលមាតាឃ្លាតជារៀងរហូត
ចន្លោះមិនឃើញ
ពិធីដង្ហែសព អ្នកម្នាង អ៊ុក ផល្លា នៃសម្តេចក្រុមព្រះ នរោត្តម រណឬទ្ធិ ត្រូវបានប្រព្រឹត្តិឡើងនាវេលាព្រឹកនេះ ត្រូវនឹងថ្ងៃទី២០ ខែមិថុនា ឆ្នាំ២០១៨។ អ្វីដែលធ្វើឲ្យប្រជានុរាស្ត្រក្ដុកក្ដួលជាទីបំផុតនោះ គឺអ្នកអង្គ នរោត្តម រណវង្ស ព្រះបុត្រាពៅនៃ សម្តេចក្រុមព្រះ នរោត្តម រណឬទ្ធិ និង អ្នកម្នាង អ៊ុក ផល្លា បានបង្ហាញព្រះភ័ក្ដ្រយ៉ាងក្រៀមក្រំពន់ពេក នាវេលាព្រឹកនេះក្នុងពិធីហែរសព មាតា របស់ទ្រង់។
ដោយឡែក នាវេលាព្រឹកថ្ងៃអង្គារ ៧កើត ខែបឋមាសាឍ ឆ្នាំច សំរិទ្ធស័ក ព.ស២៥៦២ ត្រូវនិងថ្ងៃទី១៩ ខែមិថុនា ឆ្នាំ២០១៨ សម្តេចព្រះមហាក្សត្រិយ៍ នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឬទ័យស្តេចយាងគោរពវិញ្ញណក្ខន្ធ និងប្រោសព្រះរាជទានព្រះរាជទ្រព្យចូលរួមរំលែកមរណៈទុក្ខសព អ្នកម្នាង អ៊ុក ផល្លា នៃសម្តេចក្រុមព្រះ នរោត្តម រណឬទ្ធិ ព្រះប្រធានឧត្តមក្រុមប្រឹក្សាផ្ទាល់ព្រះមហាក្សត្រ ។
ការយាងគោរពវិញ្ញាណក្ខន្ធរបស់សម្ដេចព្រះមហាក្សត្រិយ៍បន្ទាប់ពីអ្នកម្នាង អ៊ុក ផល្លាបានទទួលមរណភាពដោយគ្រោះថ្នាក់ចរាចរណ៍កាលពីវេលាថ្ងៃទី១៧ ខែមិថុនា ឆ្នាំ២០១៨ កន្លងទៅ។ ពិធីគោរពវិញ្ញាណក្ខន្ធនេះ បានធ្វើឡើងនាវត្តបទុមវត្តីរាជវរារាម ដោយមានការយាងអមដង្ហែដោយ សម្តេចព្រះមហិស្សា នរោត្តម ច័ក្រពង្ស សម្តេចរាជបុត្រី ព្រះអនុជ នរោត្តម អរុណរស្មី សម្តេចចៅហ្វាវាំង គង់ សំអុល ព្រមទាំងព្រះរាជវង្សានុវង្ស នាម៉ឺនសព្វមុខមន្រ្តីជាច្រើន។
រហូតមកដល់ព្រឹកថ្ងៃទី ទី២០ ខែមិថុនា ឆ្នាំ២០១៨ ពិធីដង្ហែសពអ្នកម្នាង អ៊ុក ផល្លា ក៏បានចាប់ផ្ដើមក្នុងទិដ្ឋភាពក្រៀមក្រំ គួរឲ្យស្រណោះជាពន់ពេក៕