មូលហេតុពីរ ដែលយុវជនលេចធ្លោ ម៉ាត់ ណូរ៉ុន ប៉ងទៅលេងក្រៅស្រុក

2018-06-20 07:28:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើប្រយុទ្ធវ័យក្មេងរបស់ក្លឹបអគ្គិសនីកម្ពុជា ម៉ាត់ ណូរ៉ុន ចង់ចេញទៅប្រកបអាជីពបាល់ទាត់របស់ខ្លួននៅក្រៅស្រុក ដោយសារមូលហេតុចម្បងពីរ។

ម៉ាត់ ណូរ៉ុន

កីឡាករដែលត្រូវបានអ្នកគាំទ្រនិយមហៅថា Messi បាននិយាយថា ក្ដីស្រមៃរបស់ខ្លួនគឺចង់ទៅលេងនៅប្រទេសជិតខាងកម្ពុជា។ ទី១រូបគេចង់ឲ្យសមត្ថភាពកាន់តែរីកចម្រើនប្រសើរឡើង។ ច្បាស់ណាស់ថា ការលេងនៅស្រុកខ្មែរក៏កើនឡើងសមត្ថភាពដែរ ប៉ុន្តែចង់លេងនៅក្រៅស្រុកដើម្បីឲ្យកាន់តែប្រសើរឡើងទាំងបច្ចេកទេស និងប្រាជ្ញាស្មារតី។ ទី២ការលេងនៅក្រៅស្រុកក៏អាចទទួលបានតម្លៃខ្លួនខ្ពស់ជាងនៅក្នុងស្រុកដើម្បីជួយដល់ជីវភាពគ្រួសារ។

ណូរ៉ុន ប្រាប់ថា សមត្ថភាពរបស់ខ្លួននៅមានកម្រិត ដែលរូបគេត្រូវតែខិតខំប្រឹងប្រែងបន្ថែមទៀត ដើម្បីអាចឈានដល់សម្រេចក្ដីស្រមៃមួយនេះ។ បច្ចុប្បន្ននេះមានក្លឹបក្នុងស្រុកមួយចំនួនបានទាក់ទងរូបគេដែរ ប៉ុន្តែមិនទាន់សម្រេចចិត្តឡើយ។ យ៉ាងណា កីឡាករជំនាញជើងឆ្វេងរូបនេះមិនបានបង្ហើបក្លឹបណាខ្លះដែលចង់បានរូបគេនោះទេ។

ម៉ាត់ ណូរ៉ុន ដែលជាយុវជនលេចធ្លោម្នាក់របស់កម្ពុជា ធ្លាប់បានចូលរួមជាមួយក្រុមយុវជនកម្ពុជាក្រោមអាយុ២១ឆ្នាំទទួលបានចំណាត់ថ្នាក់លេខ២ក្នុងពានរង្វាន់នស្ដេចប្រ៊ុយណេកាលពីប៉ុន្មានខែមុន៕