សមត្ថកិច្ចបង្ក្រាបកន្លែងភ្នាល់បាល់ និងកន្ទុយលេខមួយកន្លែងនៅតាខ្មៅ

2018-06-20 08:13:32
ចំនួនមតិ 0 | ចំនួនចែករំលែក 0

ចន្លោះមិនឃើញ

នាព្រឹកថ្ងៃទី២០ ខែមិថុនា ឆ្នាំ២០១៨នេះ សមត្ថកិច្ចបានចុះបង្ក្រាបកន្លែងភ្នាល់បាល់ និងកន្ទុយលេងមួយកន្លែងស្ថិតនៅទីក្រុងតាខ្មៅ ខេត្តកណ្តាល ស្របពេលដែលព្រឹត្តិការណ៍ FIFA World Cup 2018 នៅប្រទេសរុស្ស៊ីកំពុងកក្រើកខ្លាំងទូទាំងពិភពលោក។

រូបថត៖ អគ្គស្នងការដ្ឋាននគរបាលជាតិ

យោងតាមការចេញផ្សាយរបស់អគ្គស្នងការដ្ឋាននគរបាលជាតិកាលពីម៉ោង១១ព្រឹកថ្ងៃសៅរ៍នេះថា សមត្ថកិច្ចនគរបាលព្រហ្មទណ្ឌកម្រិតស្រាល នៃស្នង ការដ្ឋាននគរបាលខេត្ដកណ្ដាល សហការជាមួយនគរបាលក្រុងតាខ្មៅ ឆ្មក់ចូលទៅបង្ក្រាបទីតាំងលួចលាក់បើកល្បែងស៊ីសង (ភ្នាល់បាល់ កេណូនិងកត់កន្ទុយលេខ)ដ៏ធំមួយ ជ្រកក្រោមស្លាកស្ពតកាហ្វេ ស្ថិត ក្នុងភូមិតាខ្មៅ១ សង្កាត់/ក្រុងតាខ្មៅ ខេត្ដកណ្ដាល កាលពីវេលា ម៉ោង១៤និង៣០នាទី ថ្ងៃទី១៩ ខែមិថុនា ឆ្នាំ២០១៨។

ប្រភពព័ត៌មានឲ្យដឹងថា ការបង្ក្រាបនេះចាប់ខ្លួនបានជនសង្ស័យចំនួន៦នាក់ និងវត្ថុតាងពាក់ព័ន្ធជាច្រើនទៀតដូចជា១-ម៉ាស៊ីនម៉ូនីទ័រ០៤គ្រឿង ២-កំព្យូទ័រ០៦គ្រឿង ៣-ម៉ូតូ០៦គ្រឿង ៤-ប្រាក់រៀលចំនួន១ ៧០០ ០០០ រៀល ប្រាក់ដុល្លារចំនួន១៣៣ដុល្លារសហរដ្ឋអាមេរិក ៥-ម៉ាស៊ីនគិត លេខ០៣គ្រឿង ៦-ម៉ាស៊ីនព្រីន បុងបាល់០២គ្រឿង ៧-រ៉ូល បាល់០៤ដុំធំៗ ៩-ធុងហិបឆ្នោត០១ធុង ១០-សន្លឹកឆ្នោតផ្សង សំណាង០៧ដុំធំៗ និងសម្ភារៈពាក់ព័ន្ធមួយចំនួនទៀត។

រូបថត៖ អគ្គស្នងការដ្ឋាននគរបាលជាតិ

ដូចគ្នានេះដែរ កាលពីម្សិលមិញ ប៉ូលិសថៃបានចាប់ខ្លួនអ្នកភ្នាល់ និងអ្នកកត់ការភ្នាល់បាល់ចំនួនប្រមាណ៣ពាន់នាក់ នៅទូទាំងប្រទេស ក្នុងរយៈពេល៤ថ្ងៃ បន្ទាប់ពីព្រឹត្តិការណ៍ World Cup បានចាប់ផ្ដើម។ ក្នុងនោះមនុស្ស ២៥០នាក់ ត្រូវបានចាប់ខ្លួននៅក្នុងក្រុងបាងកក។ នេះបើតាមការបញ្ជាក់របស់លោកឧត្តមសេនីយ៍ Chalermkiat Srivorkhan មេបញ្ជាការរងប៉ូលិសថៃ៕