Ronaldo ទម្លុះសំណាញ់ ជួយព័រទុយហ្គាល់សងសឹកម៉ារ៉ុក

2018-06-20 14:15:29
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាជើងស៊ុតរបស់ព័រទុយហ្គាល់ Cristiano Ronaldo បានទាត់បំប៉ោងសំណាញ់ជួយព័រទុយហ្គាល់ឈ្នះ ម៉ារ៉ុក ក្នុងប្រកួតទីពីរនៅលទ្ធផល ១ទល់នឹង០ ទទួលបាន៣ពិន្ទូយ៉ាងសំខាន់។

បើកឆាកបានតែ៤នាទី កីឡាកររបស់ Real Madrid ជាអ្នកនាំសំណាងឲ្យក្រុមដែលជាម្ចាស់ជើងឯក Euro 2016 នាំ មុខ១ទល់នឹង០។ ការប្រកូតទាំងពីរតង់ក្រុមទាំង២មានឱកាសល្អដូចគ្នា តែមិនមានក្រុមណាអាចបន្តរកគ្រាប់បាល់បានឡើយ។ លទ្ធផល ១-០ បានបញ្ចប់ដល់៩០នាទី ដូច្នេះព័រទុយហ្គាល់ទទួលបាន៣ពិន្ទុបន្ថែម ធ្វើឲ្យពួកគេមាន៤ពិន្ទុឈរលេខ១ពូល B បណ្ដោះអាសន្នសិន រកចាំលទ្ធផលការប្រកួតរវាង អ៊ីរ៉ង់និងអេស្ប៉ាញ ដែលត្រូវលេងយប់នេះដូចគ្នា។

១គ្រាប់របស់ Ronaldo ក៏បានធ្វើឲ្យឈរជាអ្នកទាត់បញ្ចូលទីច្រើនជាងគេនៅ World Cup ឆ្នាំនេះដែរ ពោលមាន៤គ្រាប់ហើយ។ ជោគជ័យនេះក៏ជួយឲ្យព័រទុយហ្គាល់សងសឹកម៉ារ៉ុកបានសម្រេចដែរ ដោយកាល World Cup ឆ្នាំ១៩៨៦ ក្រុមរបស់ Ronaldo បានចាញ់ក្រុមមកពីអាហ្វ្រិកនេះ ៣-១ ដែលជាជំនួសដំបូងបំផុតរបស់ពួកគេ។ ដោយសារចាញ់២ប្រកួតជាប់គ្នា ដូច្នេះម៉ារ៉ុកហាលអាវត្រឹមនេះហើយ៕