អេស្ប៉ាញស៊ុតអ៊ីរ៉ង់១៨ជើង ទីបំផុតស៊ីបានត្រឹមតែ១គ្រាប់

2018-06-20 21:36:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមជម្រើសជាតិអេស្ប៉ាញទទួលបាន៣ពិន្ទុបន្ថែម ក្រោយយកឈ្នះក្រុមមកពីអាស៊ីអ៊ីរ៉ង់ក្នុងលទ្ធផល ១ទល់នឹង០ ក្នុងការប្រកួតទី២នាពូល B។

ក្នុងការប្រកួតដែលធ្វើឡើងនៅកីឡដ្ឋាន Kazan Areana នៅវគ្គទី១ គោលជល់អេស្ប៉ាញបានដាក់សម្ពាធគ្របលើអ៊ីរ៉ង់ស្ទើរតែដកដង្ហើមមិនរួច។ តែដោយសារតែកំពែងអ៊ីរ៉ង់ខ្លាំង ក្រុមជើងឯងទ្វីបអឺរ៉ុបមិនអាចធ្វើអ្វីបានឡើង ពោលវគ្គទីមួយលទ្ធផល ០-០។

ឈានដល់វគ្គទី២ អេស្ប៉ាញនៅតែជាក្រុមមានប្រៀបដដែល ដោយបន្តដាក់ការវាយសម្រុក។ ការប្រកួតបន្តដល់នាទី៥៤ ទើប Diego Costa រកបានមួយគ្រាប់ ដោយសារកំហុសខ្សែការពាររបស់អ៊ីរ៉ង់ ធ្វើឲ្យគេឡើងបាន៣គ្រាប់ក្នុង World Cup ឆ្នាំនេះ។ ១គ្រាប់នេះបានរក្សាដល់៩០នាទី។ សរុបជាមួយជ័យជម្នះនេះ អេស្ប៉ាញបាន៤ពិន្ទុក្នុងដៃឡើងឈរលេខ១ជាមួយព័រទុយហ្គាល់ដែលយកឈ្នះម៉ារ៉ុក១-០ដូចគ្នា។

ក្រោយចប់ការប្រកួតមើលតាមស្ថិតិអេស្ប៉ាញការគ្រប់គ្រងបាល់ដល់៧៨% និងមានឱកាសទាត់ដល់១៨ដងឯណោះ តែយ៉ាងណាពួកគេសម្រេចបានតែ១គ្រាប់គត់៕