សង្វេគ ឌីជេ អាលីយ៉ា ធ្លាក់ខ្លួនឈឺ ទាំងគ្មានលុយមួយរៀលជាប់ខ្លួន
- 2018-06-21 03:00:29
- ចំនួនមតិ 0 | ចំនួនចែករំលែក 0
សង្វេគ ឌីជេ អាលីយ៉ា ធ្លាក់ខ្លួនឈឺ ទាំងគ្មានលុយមួយរៀលជាប់ខ្លួន
ចន្លោះមិនឃើញ
វីជេ អាលីយ៉ា ត្រូវគេប្រទះឃើញគេងសម្រាកក្នុងមន្ទីរពេទ្យកាល់ម៉ែត្រក្នុងសភាពស្គមស្គាំង គ្មានកម្លាំងកំហែង សូម្បីប្រាក់ទិញនំចំណីបន្តិចបន្តួច ក៏គ្មានលទ្ធភាព។
វីជេធ្លាប់រស់នៅក្នុងជីវភាពហ៊ឺហារនេះ កំពុងមានជំងឺរលាកទងសួតរ៉ាំរ៉ៃ ដោយគ្មានសាច់ញាតិឬមិត្តភ័ក្ដិមកមើលថែជំងឺ នៅមន្ទីរពេទ្យនោះទេ។ តាមប្រភពដែលបានឃើញ វីជេ អាលីយ៉ា ឲ្យដឹងថា សូម្បីខោអាវនៅជាប់ខ្លួនក៏គ្មាន ព្រោះត្រូវចោរលួចអស់។ គួរឲ្យអនិច្ចាជាងនេះ អាលីយ៉ា ឃ្លានម្ជូរ និងបាញ់សុងខ្លាំងណាស់ តែគ្មានប្រាក់ទិញចំណីមកបរិភោគឡើយ។ ដោយក្តីអាណិត អ្នកបានឃើញរូបនាងនៅមន្ទីរពេទ្យ បានទិញចំណីឲ្យនាងហូប ព្រមទាំងឲ្យសំលៀកបំពាក់ជជុស២ និងថ្មទូរស័ព្ទសម្រាប់ប្រើប្រាស់ផងដែរ។
រូបជាច្រើនសន្លឹកលើបណ្ដាញសង្គម បង្ហាញពីតារាស្រីរូបនេះ ក្នុងស្ថានភាពធ្លាក់ខ្លួន ទាំងដាក់បំពង់ខ្យល់អុកស៊ីសែន និងរាងកាយស្គមស្គាំង ហើយខំធ្វើដំណើរពីខេត្តសៀមរាប មកសម្រាកព្យាបាលជំងឺនៅភ្នំពេញ មើលទៅពិតជាសង្វេគយ៉ាងខ្លាំង។
វីជេ អាលីយ៉ា ត្រូវបានគេដឹងថា នាងធ្លាប់អតីតសង្សាវាយដំ និងរងនូវភាពអយុត្តិធម៌ពីអ្នកមានអំណាច បានរឹបអូបទ្រព្យសម្បត្តិដែលនាងខំប្រឹងរកយ៉ាងលំបាក។ រឿងរ៉ាវនេះធ្វើឲ្យ អាលីយ៉ារងនូវជំងឺធ្លាក់ទឹកចិត្តធ្ងន់ធ្ងរផងដែរ។ បើទោះតារារូបនេះ និយមបញ្ចេញភាពសិចស៊ី ប៉ុន្តែគេឃើញនាងធ្លាប់បង្កើតការប្រគុំតន្ត្រីសប្បុរសធម៍ ជួយដល់សិល្បករជើងចាស់ ដូចជា ព្រឹទ្ធាចារ្យ គង់ ណៃ និង លោក ប្រាជ្ញ ឈួន ជាដើម។
ចំពោះស្ថានភាពជំងឺ និងជីវភាពរបស់តារារូបនេះយ៉ាងណា Sabay មិនទាន់អាចសុំការបញ្ជាក់ពីវីជេ អាលីយ៉ា បាននៅឡើយទេ៕ រូបភាព៖ FB Phorn Sophal