គ្រប់គ្នានៅបន្តបន្ទោស Messi ប្រសិនអាហ្សង់ទីនចាញ់យប់នេះ?
- 2018-06-21 09:21:11
- ចំនួនមតិ 0 | ចំនួនចែករំលែក 0
គ្រប់គ្នានៅបន្តបន្ទោស Messi ប្រសិនអាហ្សង់ទីនចាញ់យប់នេះ?
ចន្លោះមិនឃើញ
ការប្រកួតស្មើជាមួយអ៊ីស្លង់ កាលពីប្រកួតទីមួយប្រធានអាហ្សង់ទីនក្រុម Lionel Messi ទទួលបានការមិនសប្បាយចិត្តជាច្រើនពីសំណាក់អ្នកគាទ្រ ក្រោយរូបគេប៉េណាល់ទីមិនចូល។
ក្រោយពីប្រកួតចប់កីឡាកររបស់ Barcelona បាននិយាយថា គេជាអ្នកទទួលខុសត្រូវ ក្រោយខកខានប៉េណាល់ទីមិនចូល ធ្វើឲ្យក្រុមទទួលបានត្រឹម១ពិន្ទុ។ សម្រាប់យប់នេះអាហ្សង់ទីនត្រូវប្រកួតទីពីរជាមួយក្រុមខ្លាំងមកពីតំបន់អឺរ៉ុបក្រូអាតដែលកំពុងឈរកំពូលតារាង។ សំនួរ ចោទថាប្រសិនអាហ្សង់ទីនចាញ់ក្រូអាត អ្នកគាំទ្រនឹងបន្ទោស Messi?
កាលស្មើអ៊ីស្លង់ម្ដាយរបស់ Messi បាននិយាយការពារកូនពីពាក្យមួយឃ្លាថា ក្រុមគ្រួសាររបស់អ្នកស្រីទាំងមូលទទួលការឈឺចាប់ ពេល Messi ត្រូវគេចោទថា លេងមិនយកចិត្តទុកដាក់ គ្រាន់តែលេងបង្គ្រប់កាតព្វកិច្ចឲ្យជម្រើសជាតិ។
សម្រាប់គ្រូជម្រើសជាតិអាហ្សង់ទីនលោក Sampaoli ក៏បាននិយាយទាក់ទិននឹងរឿង Messi ដែលថា Messi ជាកីឡាករល្អជាងគេលើលោក និងជាកីឡាករសំខាន់របស់ពួកគេ។ ប៉ុន្តែវាមិនមែនជារឿងពិតទេ ពេលដែលក្រុមឈ្នះគឺជាការឈ្នះរបស់គេតែម្នាក់ឯង។ គេមិនមែនជាមនុស្សតែម្នាក់គត់ដែលត្រូវទទួលរ៉ាប់រង ពេលដែលក្រុមចាញ់។
Sampaoli បន្តថា ពេល Messi ទាត់ចូល ពួកយើងទាំងអស់នាំគ្នាស្រែកចូល ប៉ុន្តែពេលពួកយើងចាញ់ គេ(Messi) ទទួលការស្ដីបន្ទោស។ កីឡាករតែម្នាក់មិនអាចផ្លាស់ប្ដូរការប្រកួតបានទេ។ បញ្ហាពិតរបស់ Messi គឺទាក់ទងនឹងការខ្វះខាតមិត្តរួមក្រុម៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
