គ្រូបង្វឹកអាហ្សង់ទីន បន្ទោសកូនក្រុម ដែលអត់ចេះលេងបាល់ជាមួយ Messi

2018-06-22 01:36:23
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Jorge Sampaoli គ្រូបង្វឹកអាហ្សង់ទីន បានបន្ទោសកូនក្រុមដទៃទៀត ចំពោះទម្រង់លេងមិនល្អ មិនអាចសហការគ្នាត្រូវជើងជាមួយខ្សែប្រយុទ្ធ Lionel Messi ។

អាហ្សង់ទីន បានបរាជ័យធ្ងន់ក ៣-០ ក្រោមថ្វីជើងរបស់ក្រុមបាល់ទាត់ជម្រើសជាតិក្រូអាត នាប្រកួតក្នុងពូលកាលពីយប់មិញនេះនៅព្រឹត្តិការណ៍ FIFA World Cup ។ ត្បិតតែចាញ់យ៉ាងនេះមែន លោក Sampaoli មិនបន្ទោសទៅលើ Messi ឡើយ តែផ្ទុយទៅវិញលោកបានដាក់បន្ទុកទៅលើកីឡាករដទៃក្នុងក្រុមទៅវិញ ដែលខ្សោយសមត្ថភាពក្នុងការប្រកួតធំនេះ។ “ព្រោះតែសមត្ថភាពក្រុមទាំងមូល មិនអាចលេងបានជាមួយ Messi ។ Leo ត្រូវបានកំណត់ ព្រោះក្រុមមិនអាចលេងដោយរលូនជាមួយគាត់បាន”។ សម្ដីគ្រូបង្វឹកបន្ថែម។

ក្នុងពូល D នេះ អាហ្សង់ទីនទើបមាន១ពិន្ទុប៉ុណ្ណោះ ឆ្លងកាត់២ប្រកួតមកនេះ។ តាមរយៈលទ្ធផលនេះ អាហ្សង់ទីនប្រឈមមែនទែនក្នុងការធ្លាក់ត្រឹមវគ្គក្នុងពូល ដោយពួកគេត្រូវពឹងលើប្រកួតចុងក្រោយ និងការប្រកួតរបស់អ៊ីស្លង់ជាមួយនីហ្សេរីយ៉ាទៀត៕