Minho ពីក្រុម Shinee ប្រកាសអាយុខ្លួនចង់មានគ្រួសារ

2018-06-22 04:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Minho ពីក្រុម Shinee បាននិយាយរឿងរ៉ាវខ្លះៗ ពាក់ព័ន្ធនឹងរឿងរ៉ាវបញ្ហាបង្កើតគ្រួសារ។

ថ្មីៗនេះ នៅក្នុងកម្មវិធីសម្ភាសន៍សំនួរចម្លើយលើប៉ុស្តិ៍វិទ្យុ អ្នកគាំទ្រម្នាក់បានសួរថា "តើឥវ៉ាន់អ្វីដែលអ្នកទើបនឹងទិញថ្មីៗនេះ?” ពេលនោះ Taemin បានឆ្លើយតបថា "ខ្ញុំបានទិញក្រែមលាបស្បែក។ ព្រោះដងខ្លួនខ្ញុំចាប់ផ្ដើមស្ងួតខ្លាំង ព្រោះវ័យកាន់តែចាស់។ ខ្ញុំបានផឹកទឹកជាច្រើន ព្រមទាំងលាបក្រែមលើស្បែកជាច្រើនដើម្បីការពារ។"

បន្ទាប់មក Minho បានឆ្លើយម្ដងថា "ខ្ញុំបានទិញប្រដាប់ប្រដាវាយកូនហ្គោល។ ខ្ញុំទើបនឹងរៀនពិតមែន ប៉ុន្តែខ្ញុំតែងតែបន្ទោសប្រដាប់ប្រដាទាំងនោះ ពេលទៅលេងនៅទីវាលម្ដង។"

នៅពេលមានអ្នកសាកសួរអំពីគម្រោងនៅពេលលោកមានអាយុខ្ទង់៣០ឆ្នាំ Minho បាននិយាយថា "ខ្ញុំចង់បង្កើតគ្រួសារពេលខ្ញុំអាយុ ៣០ឆ្នាំ។" ពេលនេះលោកមានអាយុ ២៧ឆ្នាំហើយ៕