សម្តេច ហ៊ុន សែន ក៏ជាអតីតនិស្សិតនៅសាកលវិទ្យាល័យរដ្ឋមួយនេះដែរ
- 2018-06-22 07:06:00
- ចំនួនមតិ 0 | ចំនួនចែករំលែក 0
សម្តេច ហ៊ុន សែន ក៏ជាអតីតនិស្សិតនៅសាកលវិទ្យាល័យរដ្ឋមួយនេះដែរ
ចន្លោះមិនឃើញ
សម្តេច ហ៊ុន សែន បានបញ្ចប់ថ្នាក់បរិញ្ញាបត្រផ្នែកវិទ្យាសាស្រ្តនយោបាយពីសាកលវិទ្យាល័យភ្នំពេញ ដែលបច្ចុប្បន្នសាកលវិទ្យាល័យភូមិន្ទភ្នំពេញ និងថានេះជាដើមទុនដែលសម្តេចអាចបន្តយកបញ្ញាបត្របណ្ឌិតផ្នែកវិទ្យាសាស្រ្តនយោបាយបាននៅឆ្នាំ១៩៩១ ពីបណ្ឌិតសភាជាតិផ្នែកនយោបាយ ទីក្រុងហាណូយ។
ក្នុងពិធីប្រគល់សញ្ញាបត្រដល់និស្សិតសាកលវិទ្យាល័យភូមិន្ទភ្នំពេញកាលពីព្រឹកមិញ សម្តេច ហ៊ុន សែន ថ្លែងថា៖ «ខ្ញុំគួរតែបញ្ជាក់ថាអ្នកទាំងឡាយនៅទីនេះជាសិស្សប្អូនរបស់ខ្ញុំ ហើយមួយចំនួនក៏ជាសិស្សច្បងរបស់ខ្ញុំដែរ ដើម្បីឲ្យខ្ញុំធ្វើនិក្ខេបបទបណ្ឌិតវិទ្យាសាស្រ្តនយោបាយបាន តម្រូវឲ្យខ្ញុំបញ្ចប់ការប្រឡងនៅសាកលវិទ្យាល័យភូមិន្ទ កាលនោះសាកលវិទ្យាល័យភ្នំពេញ ខ្ញុំចប់នៅសាកលវិទ្យាល័យនេះ...ខ្ញុំមានឱកាសធ្វើនិក្ខេបបទយកបណ្ឌិតវិទ្យាសាស្រ្តនយោបាយ»។
បើតាមការចុះផ្សាយពីជីវប្រវត្តិរបស់សម្តេច ហ៊ុន សែន ក្នុងវែបសាយរបស់សម្តេចផ្ទាល់ (www.samdechhunsen.gov.kh ) សម្តេចបានទទួលសញ្ញាបណ្ឌិតកិត្តយសយ៉ាងតិច១២ផ្សេងទៀត លើផ្នែកវិទ្យាសាស្រ្តនយោបាយ សេដ្ឋកិច្ច អប់រំ និងអក្សរសាស្រ្តជាដើម ពីសាកលវិទ្យាល័យ អាមេរិក សាធារណរដ្ឋកូរ៉េ ចិន និងថៃជាដើម៕