ក្រោយអ្នកប្រើ Visa នៅកម្ពុជាកើនច្រើន ក្រុមហ៊ុនត្រៀមចេញ QR Code និង Contactless
- 2018-06-22 08:44:28
- ចំនួនមតិ 0 | ចំនួនចែករំលែក 0
ក្រោយអ្នកប្រើ Visa នៅកម្ពុជាកើនច្រើន ក្រុមហ៊ុនត្រៀមចេញ QR Code និង Contactless
ចន្លោះមិនឃើញ
Visa ក្រុមហ៊ុនបច្ចេកវិទ្យាទូទាត់សាច់ប្រាក់តាមប្រព័ន្ធអេឡិចត្រូនិកធំមួយលើពិភពលោក បានប្រកាសកាលពីម្សិលមិញថា ខ្លួនមានកំណើនរឹងមាំនៅកម្ពុជាក្នុងឆ្នាំ ២០១៧ ដោយកាត Visa បានកើនឡើង ៦៥% ធៀបនឹងឆ្នាំមុន។
បន្ថែមពីនេះ បរិមាណទូទាត់សរុប និងតម្លៃសរុបនៃប្រតិបត្តិការនៅលើបណ្ដាញ Visa ក៏កើនឡើង ៣០% ខណៈក្រុមហ៊ុនបានបង្កើនចំនួនទីតាំងដែលទទួលការទូទាត់ដោយកាតបាន ២០%។
អ្នកស្រី ជុំ ម៉ូនីកា នាយិកាគ្រប់គ្រង Visa ប្រចាំកម្ពុជា បាននិយាយថា៖ "យើងឃើញថា GDP ជាតិកើនឡើង ៧% កាលពីឆ្នាំមុន ហើយយើងរំពឹងថា នឹងមានការកើនឡើងនូវការទូទាត់សាច់ប្រាក់តាមប្រព័ន្ធអេឡិចត្រូនិក ដែលឆាប់រហ័ស ងាយស្រួល និងសុវត្ថិភាព ជាងសាច់ប្រាក់"។
ក្នុងរយៈពេល ១២ ខែចុងក្រោយ Visa បានជួយពង្រីកការទូទាត់សាច់ប្រាក់តាមអេឡិចត្រូនិកនៅកម្ពុជាជាច្រើន ដូចជា សហការជាមួយគ្រឹះស្ថានអង្គរ ដើម្បីអនុញ្ញាតឲ្យប្រើប្រាស់កាត Visa ទិញប័ណ្ណចូលទស្សនាប្រាសាទអង្គរវត្តជាដើម។
Visa ក៏កំពុងត្រៀមចេញការទូទាត់សាច់ប្រាក់តាមរយៈ ការស្កេនកូដ QR កូដ ដោយប្រើ Smartphone និងការបង់ប្រាក់តាមប្រព័ន្ធ Contactless ក្នុងឆ្នាំនេះ ដែលគ្រាន់តែយកកាតទៅប៉ះម៉ាស៊ីនទូទាត់ប្រាក់កន្លែងទិញទំនិញតែប៉ុណ្ណោះ៕