កីឡាករ Atletico សំខាន់ម្នាក់ទៀត បានចុះកុងត្រាថ្មីជាមួយក្លឹប
- 2018-06-22 12:48:15
- ចំនួនមតិ 0 | ចំនួនចែករំលែក 0
កីឡាករ Atletico សំខាន់ម្នាក់ទៀត បានចុះកុងត្រាថ្មីជាមួយក្លឹប
ចន្លោះមិនឃើញ
ខ្សែការពារស្លាប Juanfran ប្រមាណ ១ ម៉ោងមុននេះ ត្រូវបានប្រកាសថាបានចុះកុងត្រាថ្មីជាមួយក្លឹប Atletico Madrid។
កីឡាករនឹងបន្តលេងឲ្យក្លឹបអេស្ប៉ាញ ១ រដូវកាលទៀត ក្រោយចុះកុងត្រានេះ។
ក្នុងឱកាសចុះកុងត្រានេះ កីឡាករវ័យ ៣៣ឆ្នាំ Jaunfran បានសម្ដែង "អារម្មណ៍រីករាយ" និង "មោទនភាព" ដែលបានបន្តពាក់អាវ Atletico Madrid ក្នុងនាមជាកីឡាករក្លឹបមួយរដូវកាលទៀត។
សូមបញ្ជាក់ផងដែរថា កីឡាករអេស្ប៉ាញបានចេញពីក្លឹប Osasuna មកចូលរួមក្លឹបយក្សអេស្ប៉ាញមានមូលដ្ឋាននៅ Madrid កាលពីឆ្នាំ ២០១១។ ខ្សែស្លាបការពារស្ដាំ គឺជាកីឡាករដ៏សំខាន់មួយសម្រាប់ក្លឹប។ កីឡាករលេងបានសរុប ៣២៥ ប្រកួតឲ្យ Atletico និងស៊ុតចូលបាន ៦ គ្រាប់។
ការចុះកុងត្រាថ្មីរបស់ Juanfran ធ្វើឡើង ៤ ថ្ងៃប៉ុណ្ណោះ ក្រោយមិត្តរួមក្រុម Antoine Griezmann ក៏បានធ្វើដូចគ្នាដែរ។ កុងត្រាថ្មីរបស់កីឡាករបារាំងនឹងមានសុពលភាពរហូតដល់ឆ្នាំ ២០២៣៕