U19 កម្ពុជា ចេញទៅហាត់នៅវៀតណាមយប់នេះត្រៀមពាន AFF

2018-06-23 02:51:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមជម្រើសជាតិកម្ពុជាក្រោមអាយុ ១៩ ឆ្នាំ នឹងហោះទៅទឹកដីវៀតណាមវេលាម៉ោង ៩ យប់នេះ ដើម្បីហ្វឹកហាត់នៅទីនោះក្នុងការត្រៀមទៅលេងពាន AFF U-19 Championship 2018 នៅប្រទេសឥណ្ឌូណេស៊ី ។

ក្រុម U19 កម្ពុជា កាលប្រកួតជាមួយ មីយ៉ាន់ម៉ា

ការហ្វឹកហាត់នេះបន្តរហូតដល់ថ្ងៃទី២៩ ខែមិថុនា ទើបបន្តដំណើរទៅប្រទេសឥណ្ឌូណេស៊ី ដើម្បីចូលរួមលេងពានខាងលើ ដែលគ្រោងចាប់ផ្ដើមចាប់ពីថ្ងៃទី១ ដល់ថ្ងៃទី១៤ ខែកក្កដា ឆ្នាំ២០១៨។ វេលាម៉ោង ៦ ល្ងាចនេះក្រុមជម្រើសជាតិកម្ពុជាក្រោមអាយុ ១៩ ឆ្នាំ នឹងមកដល់អាកាសយានដ្ឋានភ្នំពេញ ដើម្បីត្រៀមហោះទៅវៀតណាម។

ពាន AFF U-19 Championship នេះក្រុម U19 កម្ពុជាស្ថិតនៅពូល B ជាមួយប្រទេស មីយ៉ាន់ម៉ា ទីម័រខាងកើត ម៉ាឡេស៊ី និងប្រ៊ុយណេ។ ប្រកួតដំបូងក្នុងពូលរបស់កម្ពុជាគឺប៉ះ ប្រ៊ុយណេ នៅថ្ងៃទី២ ខែកក្កដា ឆ្នាំ២០១៨ វេលាម៉ោង ៧ :០០ នាទីយប់៕

អត្ថបទ៖ ស្រី សុវណ្ណដារ៉ា