សុខ ធី ចាញ់ Lerdsila ដោយពិន្ទុមុននេះ
- 2018-06-23 13:37:05
- ចំនួនមតិ 0 | ចំនួនចែករំលែក 0
សុខ ធី ចាញ់ Lerdsila ដោយពិន្ទុមុននេះ
ចន្លោះមិនឃើញ
អ្នកប្រដាល់មកពីខេត្តបន្ទាយមានជ័យ សុខ ធី ពិតជាមានសមត្ថភាពមិនធម្មតាមែន និងរឹតតែធ្វើឲ្យអ្នកនិយមក្បាច់គុននានា បានស្គាល់រូបគេ និងស្គាល់ពីគុនខ្មែរ បន្ទាប់ពីអាចយកឈ្នះអ្នកប្រដាល់ល្បីឈ្មោះរបស់ថៃ Lerdsila បានមុននេះ។
ម្ចាស់មេដាយមាសកីឡាជាតិលើកទី២ ខាងលើ ពិតជាប្រកួតបានល្អមែន ពោលមិនខ្លាចញញើតនិងដៃគូ ដែលជាជើងខ្លាំងប្រចាំប្រទេសថៃ ដែលគ្រងខ្សែក្រវាត់ច្រើនគ្រឿងនោះទេ។ តាមរយៈបទពិសោធយ៉ាងច្រើនផងដែររបស់ សុខ ធី គេប្រកួតអងអាចក្លាហាន និងចេញស្នៀតធ្ងន់ៗ ដើម្បីរកពិន្ទុ និងអាចឈ្នះដៃគូខាងលើ។
ការតស៊ូខំប្រឹងរបស់អ្នកលេងគុនខ្មែរវ័យក្មេងនេះ ក៏បានផលផងដែរ ដោយឈ្នះពិន្ទុលើកីឡាករថៃ Lerdsila ក្នុងកម្មវិធីដ៏ធំរបស់អាស៊ី One Super Series ដែលរៀបចំដោយ One Championship នៅទីក្រុងម៉ាកាវ៕